البااب بيخبط

عمي أنا ما صدقت إنه نطق واد تقيل تعبني يا اختاااه
فريدة بضحك إنتي شكلك واقعة جدا
نهى بهيام هييييح عقبالك ما تقعي زي يا فيري
فريدة بحزن أخفته أنا هسيبك بقا علشان عندي شغل
نهى لاحظت أنها اضايقت معلش يا فيري والله مقصدش أنا اندمجت شوية أنا آسفة
فريدة بتتأسفي على إيه يا بنتي إنتي عروسة ولازم تفرحي بحب عمرك ومتقلقيش أنا مش زعلانة ثم أكملت بمرح اتكلي بقا علشان أستاذ حمدي هيعمل مننا بطاطس محمرة
طنشت الاحساس بالحزن وكملت شغلي وبعد فترة خلصت الشغل وكنت نازلة مروحة
في مكتب محمد
كان بيتكلم في التليفون مع أحد رجاله
محمد ها يا بني كل حاجة جاهزة
المجهول تمام يا محمد بيه كله جاهز
محمد بابتسامة خبيثة هتيجي برضاكي أو ڠصب عنك
خرجت من المكتب بس ملقتش عربيات للأسف وقفت شوية بس برضو ملقتش ولا عربية كأنهم حالفين ما يوقفوا قدام المكتب فأخدتها مشي لحد الشارع الرئيسي بس لاحظت حركة غريبة كان ثلاث شباب شكلهم مجرمين أو مساطيل بس خۏفت منهم متابعني من لما طلعت من المكتب سرعت خطوتي بس برضو كانوا بيسرعوا خطوتهم وكل ما أسرع خطوتي يسرعوا خطوتهم وأنا ببص ورايا اتكعبلت في طوبة وقعت على الأرض والثلاث شباب لحقوني وحوطوني
الشاب ١ ايه يا جميل مش تفتح بدل ما تقع وهدومك تتوسخ
الشاب ٢ ده يا بخت الأرض إنك لمستيها
الشاب ٣ براجة يا ولاد متخوفوهاش
فريدة پخوف وقفت وهى على وشك البكاء أنتوا عاوزين مني إيه
الشاب ٢ عاوزينك يا جميل
حاولت اجري معرفتش كانوا محاوطني والخۏف محاوطني وكنت هعيط بس محبتش أبين ضعفي ليهم ضحكت عليهم وندهت على ظابط اللي هو مش موجود بس حاجة أقدر اجري بيها منهم وهما سمعوا كلمة ظابط وقعدوا يتلفتوا وراهم وأنا جريت بس واحد منهم لحقني ومسكني من أيدي معرفتش أعمل حاجة غير إني أعيط واترجاه إنه يسبني في حالي
الشاب ٣ بقا بتضحكي علينا أنا هوريكي
كان لسه بيقرب مني وأنا فقدت الوعي من الخۏف بس سمعت صوت حد پيتخانق مفقتش غير على صوت محمد وهو بيصحيني
محمد پخوف فريدة فريدة فوقي
فريدة بفزع ابعد عني أرجوك متلمسنيش
محمد بعد عنها اهدي اهدي أنا محمد زميلك في المكتب متقلقيش هما مشيوا
فريدة بشئ من الاطمئنان مشيوا طب عملولي حاجة ولا لحقتني
محمد لا لحقتك يا ستي لولا كنت ماشي من نفس الشارع وشوفت حد بيستغيث مكنتش شوفتك الحمد لله ربنا ستر
فريدة بامتنان أنا بشكرك جدا إنك أنقذتني وده دين في رقبتي مش هنسهولك العمر بشكرك لتاني مرة يا أستاذ محمد عن إذنك
محمد بسرعة وقف قدامها أولا لا شكر ولا حاجة ثانيا لو أي واحدة مكانك كنت هعمل كده ثالثا أنا هوصلك ومن غير نقاش لأن الوقت اتأخر مينفعش تمشي لوحدك
فريدة تمام ماشي تسلم
رجعت البيت وشكرت محمد طلع بني آدم كويس اهو أمال سليم كان علطول بيحذرني منه ليه هو كان بيدايقني في المكتب بس عرفت إنه بيحبني يمكن كان بيعمل كده من غيرته معرفش وبعدين بقا يا فريدة خليكي في حالك مش دائما تثقي في الناس كده دخلت البيت وماما قابلتني بلهفة
هانم بلهفة وقلق إيه يا بنتي اتأخرتي كده ليه قلقتيني عليكي
فريدة بطمن مامتها متقلقيش يا ماما تعالي وأنا احكيلك وحكيت لماما كل حاجة
هانم طب والله محمد ده شكله جدع وابن ناس وكويس إنه كان ماشي من نفس الشارع
فريدة الحمد لله يا ماما أنا هدخل أنام بقا علشان تعبانة يلا تصبحي على جنة يا ست الكل
هانم وإنتي من أهلها يا قلب أمك.
تاني يوم صحيت متأخر على الظهر كده بما إنه يوم الجمعة صليت الظهر وفطرت ووضبت اوضتي وبعدها لبست علشان أروح لنهىكان اللبس عبارة عن دريس أسود منقوش بورد أحمر ولبست هيلز أسود وطرحة حمراء وحطيت ميكب خفيف كده روج وكحل وماسكرا
في بيت نهى
فريدة بابتسامة عروستي ألف مبروك يا قمري وربنا يتمملك على خير
نهى بسعادة أنا مش مصدقة نفسي والله يا فيري اقرصيني علشان أصدق
فريدة يا سلام غالي والطلب رخيص وقرصتها في ذراعها
نهى مسكت ذراعها يخربيت اللي يهزر معاكي يا ست ذراعي وجعني
ضحكنا على نهى وجنانها وبعدين أحمد وصل والخطوبة تمت بخير واتفاجأت بوجود محمد في الخطوبة
محمد بإعجاب تسمحيلي أقولك إنك زي القمر النهاردة
فريدة بخجل متشكرة يا أستاذ محمد ده من زوقك
محمد أستاذ محمد إيه بقا خلاص احنا بقينا صحاب ولا إيه
فريدة بتوتر اه اه طبعا عن إذنك بقا علشان متأخرش
محمد تسمحيلي اوصلك
فريدة لا مينفعش متشكرة لتاني مرة
محمد هو مش احنا زمايل في الشغل وواجب عليا أوصل زميلتي مفيهاش حاجة
فريدة لا معلش مرة تانية عن إذنك
سلمت على نهى ومشيت ومكنتش عاوزاني أمشي بس قولتلها ماما كلمتني وقالتلي ارجعي وده اللي حصل فعلا نزلت من عند نهى وأخدت تاكسي وسرحت في ذكري بتجمعنا أنا وسليم
فلاش باك
سليم بحب أقدر أعرف أميرتي زعلانة ليه
فريدة بزعل ملكش دعوة