حمايا
من الموضوع ده بخير وسلام سيبيني في حالي بقى
نسمه
انتي حره بس انا مش هسكت
شروق
عايزه اقولك لو انتس روحتي واتكلمتي في اي حاجه هقول ان انتي كدابه وانا معرفش
اي حاجه عن الكلام اللي انتي بتقولي ده
نسمه
معقوله هتطلعي اختك كدابه علشان خاطر خاېفه من محمود
شروق
ايوه واعمل اكتر من كده كمان لو سمحت ما تدخلينيش في اي مشاكل وبعدها قامت
اميره خرجت من الاوضه ولابسه فستان
اميره
ايه رايك في الفستان يا ماما مش جميل قوي بذمتك صح هو انتي مالك يا ماما قاعده مكشره كده ليه
الام
مش غريبه اللي ينزل ينقي معانا الحاجه ابو العريس مش العريس هو ايه ما كانش عايز الجوازه
دي ولا ايه
اميره
بقولك
ايه يا ماما احنا كلنا عارفين ان يوسف بيتكسف من خياله ومش بيحب الحاجات دي وبعدين ما ابوه عمل كل حاجه وجابلي كل الحاجات اللي انا نفسي فيها
فكري كويس يا اميره الجواز مش سهل يا بنتي
اميره
فكرت وقررت وحرام عليكي بقي خليني
افرح شويه انتي اي پتخافي تفرحي
وفي شقه ناهد
ناهد
كويس ان انت جيت يا اسامه انا جبتلك البدله اللي هتحضر بيها فرح بنت خالتك خشي اسهب علشان لو فيها اي حاجه نلحق نوضبها قبل ميعاد الفرح
وانت مين قالك اصلا ان انا هحضر الفرح ده هو انا هيجيلي قلبي ان انا اشوفها مع واحد ثاني غيري
ناهد
حرام عليك بقى يا واد انت وجعت قلبي معاك البنت مش بتحبك ومش عايزاك
اسامه
هي حره في نفسها يا امي زي ما انا محر في نفسي وانا مش هحضر معاكوا الفرح ده
ناهد.
طب ما تيجي يا حبيبي يمكن تعجبك اي عروسه وتوافق عليها بلاش ان انت بتعمله فيا ده
نفسي اعرف يوسف في ايه احسن مني انا كنت موافق بيها وانا عارف ان هي معهاش مؤهل ولا معاها اي حاجه وفي الاخر هي تعمل فيا كده
ناهد
هي مش بتفكر الا في مصلحتها وبس وشايفه ان واحد عنده صيدليه مش لسه هيكون مستقبله زيك
اسامه
انا کرهت الفلوس خلاص اللي خلت الناس كلها تفكر في مصلحتها وبس وبعدها دخل اوضه
منك لله يا اميره على اللي انتي عملتيه في ابني ده حرام عليكي وجه يوم الفرح
وفي القاعه
سنيه
بقولك ايه يا حاج محمود انا كنت عايزه مفتاح شقه يوسف علشان خاطر اروح اودي العشا بتاعهم قبل ما يجوا الشقه
محمود
يوسف مش هيروح على شقته النهارده هيروح عند البيت وتاني يوم هيبقى يروح شقته
ومين اللي قالك الكلام ده ان شاء الله ومن امتى العروسه بتروح بيت ابو العريس ما تخليهم يطلعوا على شقتهم على طول
محمود
اظن دي حاجه بينهم وبين وبعض واحنا ملناش
دعوه بيها يا ست سنيه
وبعدين مش انتي خدتي مهر بنتك كامل انتي عايزه ايه تاني بقى
سنيه
قصدك ايه يعني بتقولي ان انا خدت الفلوس اللي بعت بيها بنتي ولا ايه
محمود
انا مقلتش كده انتي اللي خدتي موضوع كده وبلاش مشاكل يوم الفرح بقى بعد اذنك انا
رايح جمب ابني
وبعد الفرح راحوا بيت محمود
اميره
هو احنا ليه جينا على هنا مش رحنا على الشقه مش خلاص الشقه خلصت وفرشت من كل حاجه
محمود
ايوه يا عروسه ادخلي الاوضه دي هتلاقيها متوضبه بالضبط وبعد كده انتي هتروحي شقتك
اميره
مش مهم اي مكان بس المهم اكون مع يوسف وبعدها دخلت الاوضه وشويه ودخل حماها وقفل الباب
انت عايز اي
ولحد هنا تكون خلصت حلقتنا
_ حما بنتي يوم دخلتها عمل. ٢
اميره
خير يا عمي في حاجخ وفين يوسف..
محمود
يوسف جاي بس اشربي انتي كوباية اللبن دي لحد. جوزك ما يجي..
اميره
بس انا بجد. ما ليش نفس اشرب لبن يا عمي...
محمود
يا بنتي اللبن ده خير علي ايامنا زمان كانو باكلو العروسه وهي داخله بيت جوزها عيش ويشربوها لبن عشان يبقي قدمها خير علي البيت اللي دخلاه..
اميره
حاضر يا عمي انا هشرب عشان خاطرك انت بس..
_واخدت بنتي اللبن وشربته وبعد كده ما حيتش بحاجه خالص وانا كنت قاعده في بيتي مدايقه وناهد اختي كانت معايا وقالت ليا..
ناهد
ما خلاص بقي يا سنيه والبت اتجوزت واللي حصل
