تعالى يا عروسه

غاده فعلا عملت كدا ورجعت لمامتها لقت كل الاكل جاهز: ماما انا عايزه اخس

مامت غاده بصت ليها بحز.ن: انا اسفه...

غاده مسكت ايد مامتها وعلي وشها ابتسامه: والله مش بسبب كلام الز.فت دا وامه انا عايزه اخس لنفسي انا مش عشان حد

مامت غاده ابتسمت وبعدين بصت للاكل: طب اشيل الاكل

غاده بسرعه: لا طبعا ما انا هبدا الدايت من بكرا بقا عشان تعبك في الاكل ميروحش عالفاضي كدا

مامت غاده ضحكت وحضنتها بحنان: وانا جنيك يقلب امك

عدا 3شهور علي الكلام دا..وغاده كانت اول مره تزور النيل بعد الوقت دا بس المره دي بعد ما نفذت

 كلامها وفعلا خست... جت تشوف النيل المره دي وهي مبسوطه مش زي المره الي فاتت... وفتكرت كلام الشخص المجهول الي قبلته ساعتها وابتسمت: انت كنت سبب كبير في الي وصلتله دا نفسي اشوفك مره كمان واشكرك

: شبيك لبيك ملكك وبين ايديكي

غاده بصت وراها وكان هو نطت من الفرحه: انت.. انا كنت لسه بتكلم عنك (ونتبهت لحماسها الزايد) قصدي كنت بتمني اشوفك تاني عشان اشكرك

هو قرب منها وابتسم: وانا كنت بتمني اشوفك كل يوم خلال ال3 شهور دول

غاده بستغراب: ايه؟

: احممم في كل حالاتك جميله

غاده بسعاده وفرحه كبيره: بس انا مبسوطه كدا اوي بقيت اقدر اجري واركب عجل (ولفت والدريس بتاعها بيطير من الهوا ) والبس كل الي عيزاه واقدر اطنطت كمان

ولسه بتنط رجليها اتنت كانت هتقع بس هو مسكها وبقا عيونه في عيونها غاده سرحت في عيونه وهوابتسم: خدي بالك

غاده ارتبكت ورجعت ورا خطوه وهي بتعدل الدريس بتاعها: احممم... انا همشي باي

ومشيت: لا استني ي... طب حتي اسمك اي.. طب هشوفك تاني

غاده كانت بتجري بكسوف وبصت وراها: يمكن مش عارفه

: طب انا اسمي(بس كانت غاده اختفت من قدامه ضحك) مجنونه

غاده رجعت البيت واول ما دخلت وقفت مصدومه اول ما شافت مامت محمود قعده مع مامتها واول ما شافت غاده قامت وقفت وعلي وشها ابتسامه: ازيك ي غاده ي بنتي تعالي اقعدي عايزه اتكلم معاكي في حاجه

غاده اتجهت نحيتهم وبصتلها بعدم فهم وكملت مامت محمود: احممم انا جايه اعتذرلك عن اخر مره كنا فيها هنا واقولك ننسي الي فات وتعالي نبدا صفحه جديده.. ابني محمود شافك امبارح وعجبتي اوي من بعد ما خسيتي وصراحه كدا ي ام غاده انا جايه اطلب ايد غاده لابني محمود... هااا اي رايك يغاده

غاده سكتت شويه وبصت لامتها ملقتش اي تعابير علي وشها قامت وقفت: برا

مامت محمود: انا عارفه انك زعلانه ي حبيبتي بس....

قاطعتها غاده بغ.ضب: اطلعي برا وانا لو ابنك اخر واحد في الدنيا مش هوافق عليه.. براااااااا

مامت محمود قامت پغضب ومشيت

وعدت ايام وكان غاده تروح علي النيل وتقابل الشخص المجهول

وبعد شهر