القدر

قاعدة فى بيت بابا و مراد جه عندنا العصر بعد ما خلص شغل فى القسم
يلا يا يارا قومى البسى عشان نروح .. معندناش حريم تبات برة البيت اكتر من كدة
بصتله باستخفاف و بعدين قلت و انا بربع ايدى 
لأ .. مش عايزة
اتنهد و قعد جمبى ع الكنبة 
ليه بس يا بنت الناس .. ما انا اعتذرتلك امبارح و لا انتى غاوية عند و خلاص
اه هو انا غاوية عند بقا
يووه .. تعالى يا حج شوف بنتك
قام من جمبى و دخل المطبخ و بابا جه
ايه يا حبيبة بابا مالك 
مفيش يا بابا بس انا مش عايزة اروح معاه
ليه
كدة .. انا مش عايزة اقعد مع الشخص الهمجى ده فى بيت واحد .. خلينى قاعدة هنا
يبنتى ما انتى قعدتى امبارح و النهاردة معايا .. و بعدين مراد مش همجى و لا حاجة هو عمل كل ده عشان بيغير عليكى
و لو .. بردو شخص همجى و عصبى و ايده سابقة راسه و مش بعيد ارجعلك بعد كام يوم و انا وشى وارم و لا دراعى مكسور
لا لا نتكلم جد بقا .. مراد ميعملش كدة مراد متربى احسن تربية اه و انا واثق انه ميعملش كدة ابدا .. صحيح انا مبطيقهوش و بهزءه فى الرايحة و الجاية بس منكرش انه راجل محترم و جدع و هيصونك .. و إلا مكنتش جوزتك ليه من الاول يا يارا
قولها يا حاج بالله عليك قولها
قالها مراد و هو طالع من المطبخ و ماسك خيارة فى ايده
اسكت انت يا حيوان
حاضر
رجع تانى ع المطبخ و بابا بصلى و قال 
يلا يا حبيبتى استهدى بالله و قومى روحى مع جوزك
فجأة سمعنا صوت غطا حلة وقع ع الأرض
سيب حلة المحشى اللى جوة يا حيوان
جه صوت مراد من المطبخ
يا حاج بنتك مجوعانى و كل اللى طالع عليها مبعرفش اطبخ مبعرفش اطبخ .. اومال الأكل
ده كله ايه
شايف يا بابا .. يعنى مزعلنى و كمان بيشتكيلك منى .. طب ايه رأيك بقا انا مش هطلع من البيت ده و مش رايحة معاه فى حتة
بعد خمس دقايق ..
قلل سرعة العربية شوية احنا مش فى سباق
حاضر
و وطى صوت الاغانى
حاااضر
انت بتجز على سنانك ليه .. مش كفاية جاية معاك بالعافية و كمان مش مستحملنى
يستى انا عملت حاجة انتى غاوية جر شكل و خلاص .. خفى شوية ها .. خفى شوية انا منستش ندالتك امبارح بالليل
قلت ببرود و انا ببص من شباك العربية
احسن تستاهل
بصلى بغيظ ف الاول و بعدين سكت شوية قبل ما يبتسم
life is hard لكن چمييييلة
يا شيخ اتنيل
مستمتع حتى و انا broke حياتى نكتة joke دام معايا هالأميييرة
قرصنى من خدى فبعدت ايده
بس بقا يا مراد
خلاص بقا يا يارا متبقيش قفوشة كدة الله
انت رايح فين ده مش طريق البيت
هو انا مقلتلكيش .. استأذنت النهاردة من الشغل بالعافية و الله بالعافية بس مش مهم
بصلى و ابتسم و كمل 
عشان اخدك افسحك شوية
اشمعنا
عادى يعنى بقالنا كتير مخرجناش مع بعض
ماشى
كنت مبسوطة من جوايا انا فعلا بقالى كتير متفسحتش بس طبعا مبينتش روحنا السينما و دخلنا فيلم كوميدى غيرلى مودى الۏحش و ضحكنا كتير و بعدين اتعشينا فى مطعم و فى اخر اليوم على الساعة 11 بالليل روحنا قعدنا اودام البحر
كنا قاعدين على صخرة كبيرة كدة و ساكتين لحد ما مراد اتكلم
اتبسطتى 
ايوة .. شكرا
ابتسملى و بعدين قال 
الحمدلله اول مرة متعترضيش على حاجة
ابتسمت و مردتش فكمل 
مع انى عارف انك بتعترضى لمجرد انك تعاندينى و خلاص
بصتله و قلت 
ببقى رخمة 
أوى
كشرت فقال بسرعة 
بس قمر
ابتسمت و بعدت عينى عنه
انتى لسة بتكابرى يا يارا .. مع انك لو اديتينى و اديتى نفسك فرصة مش هتخسرى حاجة
بردو مردتش .. و انا عارفة كويس إن سكوتى بيضايقه
ابتسامة صغيرة اترسمت على شفايفه و ضړب كتفى بكتفه و هو بيقول 
خاېفة تحبينى 
بصتله بحيرة .. ايوة خاېفة احبه .. و خاېفة اتعلق بيه .. و خاېفة احس انى استسلمت للأمر الواقع و اتفرض عليا انى احبه و خلاص عشان اعرف اكمل معاه حياتى اللى مختارتهاش دى رفعت حاحبى و قلت 
انت مش خاېف تحبنى 
انا مبخافش من حاجة
كان بيتكلم بثقة .. بصراحة عجبتنى
و مش خاېف احبك .. ونتى تتحبى
عينيه مكانوش بيكدبوا .. و كان فيهم لمعة جميلة حسيت انى تايهة تانى .. مش عارفة اسمع قلبى و لا عقلى
حتى بعصبيتى و عنادى دول اتحب 
حتى بجنانك و لسانك اللى عايز قصه ده تتحبى
بصيتله لحظات و بعدين بصيت للبحر اودامى .. قلبى بيدق جامد و كأنه بيقولى لينى بقا .. كلامه و نبرة صوته بتخلينى دايما عاجزة اودامه .. مش عارفة ارد و لا عارفة افكر ..
بصراحة .. ساعات ببقى عايزة افضل بصة لعينيه و بس
اتنهدت و قلعت الكوتشى بتاعى و قمت من مكانى و روحت وقفت اودام البحر ببص ع المية و هى بتلمس