لعبة القدر بقلم إيمان
ياختى وسيبانى اهاتى مع نفسى
اقولك حاجة وتصدقنى
قولى
رهف كمان مياله ليك بس يمكن هى زى ما انت بتقول كده عايشة فى ذكريات شريف وده مش مخليها تاخد بالها من مشاعرها تجاهك ولا مشاعرك انت كمان ليها
يسلاااااام وجبتى الكلام ده منين يا أم العريف
من نظرتها ليا أول لما دخلت أنت وأنا قومت أخدتك بالحضن وسندتك عشان تقعد ولما كمان جيت عشان اطلعك حستها متضايقة
صدقنى يابنى ثم اكملت بثقه لا تعرف مشاعر الانثى الحقيقية غير الانثى اللى زيها
ماشى ياختى واستفدت ايه انا برضو كده ماهى حتفكر ان فى حاجة بينى وبينك والموضوع حيبوظ أكتر
بالعكس دا حيتظبط
حيتظبط دا حيطين
فاڼفجرت نوران فى الضحك لسه دمك شربات يا بوب زى ما أنت خلينا فى المهم مش لازم رهف تعرف اننا اخوات ابدا فاهم خليها كده عرفه اننا ولاد خاله وبس وسيب الباقى عليا
يالهوى اه صحيح دا احنا سبناهم سوا وطلعنا ياسنة سوخة طب انا حروح أتاكد بسرعة من الموضوع ده لحسن كده تبقه كل حاجة باظت
وهبت على الفور تجرى مثل الاطفال
هبله وحتفضلى هبله طول عمرك يا نوران مش حتعقلى أبدا بس لو كلامك فعلا صح والموضوع اتظبط دا انا كنت أطير من الفرح
أيه يانور فى حد يدخل على حد أوضته بالطريقة دى
مش وقته مش وقته الكلام ده هو انتى قولتى لرهف أنى انا وشهاب أخوات فى الرضاعة
لا رهف طلعت وراكوا على طول ملحقناش نتكلم
فأخذت نوران نفس عميق وهى تقول الحمد لله
بتسألى ليه
لا ابدا مفيش بقولك ايه بلاش تجيبى سيرة الموضوع ده ونبهى على عمو رشدى كمان ماشى ياحببتى وطبعة قبلة سريعة على خدها ثم انصرفت بسرعة البرق
بوب بوب
أيه يا أخرة صبرى
الحمد لله كله تمام أمك ماقلتش حاجة
أمك بقه أنتى لسه راجعة من اوربا أنتى
أقسم بالله أنتو عيلة غريبة بتركزوا فى حاجات هبله وتسيبوا المهم
اه نيجى بقه للمهم اللى سيادتك مقولتهوش لحد دلوقتى
بص بقه احنا طول ما أحنا فى مكان واحد مع رهف تدلعنى وادلعك وكده يعنى
الله ما انت ذكى وبتفهم اهوا أمال عامل مستغبى ليه مالصبح
ما تحترمى نفسك وتقصرى لسانك اللى عاوز قطعه ده
مش موضوعنا ده دلوقتى اظن فهمت الخطة كده خلاص
بس كلامك ده على اساس انى على بالها لكن انا مش حاسس بده خالص
أنتوا الرجالة كده يا حبيبى جبلات بعيد عنك معدومى الاحساس
كده يا بوب طيب
فى أثناء العشاء والجميع مجتمع على السفرة وقد تعمدت نور الجلوس بجوار شهاب
رشدى أخيرا رجعت لمتنا الحلوة ياااه كانت ايام صعبة الحمد لله انها عدت على خير واللى محلى اللمه زيادة رجوع نور
نوران ربنا يخليك يا عمو كانت وحشانى اللمه دى انا كمان
شهاب طب مابلاش سفر وخليكى معانا
نوران أفكر يا بوب
ثم تأوه شهاب فاجأة
ففزعت نور قائله ايه مالك يا شهاب
شكلى مش حعرف أكل ايدى كل لما احاول امدها شوية كتفى المصاپ يوجعنى
فقالت بمرح لالا ولا تتعب نفسك خالص أنا حأكلك بإيدى يا حبيبى
وبمجرد أن نطقت هذه الكلمة حتى انزعجت رهف ونظرت لشريف وهى تقول له بعصبية ما تاكل كويس يا شريف وبطل دلع بقه
بعد العشاء طلب شهاب من رهف أن تغير له على الچرح حسب تعليمات الطبيب وما أن سمعت ذلك حتى توترت بشدة
هه أه طب اتفضل معايا
صعدا سويا الى حجرته فجلس هو على الفراش وأخذت هى تجهز جميع الادوات التى ستحتاج اليها ثم توجهت اليه واقتربت منه بيد مرتعشة تكشف عن صدرة وزادت ارتعاشتها وارتباكها بسبب قربها منه واضطرارها ان تلمسه لنزع الضماد وتغيره
فى الوقت الذى كان شهاب فى منتهى السعادة لقربها منه
وما ان انهت مهمتها حتى تنفست الصعداء ثم فرت من أمامه هربه الى غرفتها ولم تعطه فرصة حتى ليشكرها
واد يا شهاب أنت عملت ايه لرهف
أنتى مش حتبطلى تدخلى كده فاجأة أفرضى بغير هدومى
اولا الباب كان مفتوح مش معقول يعنى تغير هدومك وسايب الباب مفتوح وثانيا بقه أنا لسه شايفة رهف وهى خارجة تجرى قول بقه كانت بتجرى ليه اوعى تكون حولت تعمل معاها حاجة كده ولا كده وهى بتغيرلك عالجرح
اتنيلى هو انا بعرف اقولها كلمتين على بعض عشان اعمل حاجة اصلا
دا انت حالتك نيلة خالص يابنى بس أيه رأيك شوفتها اتعصبت ازاى لما قولتلك يا حبيبى
دى كانت متعصبة عشان شريف كان بيلعب ومش بياكل
والنبى أيه مش بقولك جبلة
وبعدين كنتى بتتسهوكى اوى كده ليه عليا
يابنى عشان الڼار تشعلل بسرعة
أما أشوف أيه أخرتها
فى صباح اليوم التالى بعد ان تناولوا الافطار وذهاب رشدى للشركة وخروج الاولاد للعب فى الجنينة جلست شريفة ورهف وشهاب ونوران معا يحتسون الشاى فقال شهاب فجأة
رهف ممكن تغيرلى على الچرح
أيه . ما أنا لسه مغيرالك عليه بليل مش الدكتور قال مرة وحدة
اه بس أصل مش عارف ليه حاسس انى مش مستريح وعاوز غيار تانى
نعم
خلاص خلاص لو حضايقك بلاش نور تغيرلى عليه
فقالت نوران على الفور من عيونى يابوب يلا بينا
فهبت رهف على الفور من مكانها وهى تقول لها بضيق لا يا حببتى خليكى مرتاحة أنا اللى حغيرله على الچرح
ثم توجهت اليه وجذبته من يده لتحثه على النهوض معها فاستجاب لها شهاب على الفور وصعد معها وهو يبتسم بخبث
بمجرد ان دلفت معه الى الغرفة اتجهت به الى الفراش ليستريح ثم شرعت فى تجهيز ادواتها وبعدها اتجهت اليه فنزعت اول لاصقة پعنف لدرجة أنها ألمته فأخذ يتأوه بشدة
أيه يا رهف براحة
معلش معلش اسفة مكنش قصدى
ثم مدت يدها لتنزع الاصقه الاخرى فنزعتها پعنف أيضا
فصړخ شهاب قائلا ايه يا رهف لما انتى ملكيش مزاج تغيرلى عالجرح كنتى قولتى وكانت نور حتعملى كل حاجة
خلاص ولا تزعل ابقه خلى الست نوران هى اللى تعملك كل حاجة بعد كده بدام انا مش عجبه عالعموم ادينى خلصت خلاص عاوز حاجة تانى
فقال لها بلطف لامتشكر اوى على تعبك معايا يارهف
طب بعد أذنك
بوب أيه الاخبار
يخربيتك والله حتقطعى خلفى بدخلتك اللى شبه المخبرين دى
مش مهم مش مهم قولى فى تغير ولا ايه
تصدقى يابت يانور طلع عندك حق شكل الموضوع حيتظبط خلاص بس ايه كان حيطلع على كتفى كانت حتخلعهولى وهى بتغيرلى انهاردة
فاڼفجرت نور بالضحك ثم قالت وهى تهوى بيدها على كتفه المصاپ دون ان تدرى مش قولتلك
فصړخ صړخة مدوية
لعبة_القدر_16
الأخييييييير
بقلمى_إيمان
مرت الايام فى هدوء وسلاسه وتماثل شهاب للشفاء وبدء فى الذهاب مع والده للشركة مرة أخرى إلى أن تفاجأ يوم بسكرتيرة مكتبه تخبره بوجود عز صديق شريف أمامها ويريد مقابلته
اه اه خليه يدخل
السلام عليكم
وعليكم السلام ورحمة الله وبركاته . ازيك يا عز عامل أيه
انا بخير الحمد لله أنت اللى عامل أيه دلوقتى بعد كل اللى حصلك الفترة اللى فاتت دى معلش أنا كنت مسافر ولسه راجع وعرفت انهاردة بس بموضوع إصابتك فجيت أطمن عليك
فقال بشك الله يسلمك
