فتحت البلكونه

Yosry قفلت الباب هووف 
رونزى تعالى احكيلى بسرعه
اسيل بصى الحكايه بدات من اول يوم شغل ليا فى الشركه فى اليوم دا قابلت واحد اسمو مصطفى ودا شريك المدير فى الشركه والمصنع بصراحه 
رحب بياا وقالى تانى يوم هايفهمنى الشغل وجه تانى يوم روحت ودخلت مكتب تانى ومكنتش مصطفى دا اللى موجوده كان المدير التانى 
بصراحه دخلت وكنت متوتره جدا من نظراته ليا دا كأنه بيحبنى بقاله كتير ومصدق شايفنى نظراته دى غريبه اووى المهم قعدت قدامه وفهمنى شغلى بعدين عدا يوم والتانى ودا بدا يجى المصنع ويشرف بنفسه ولقيت السكرتيره بتاعته بتقولى انو مكنش
بيجى الا كل شهر مره وكانت مستغربه خالص انا نزلت اكل فى المطعم تحت لقيته بيقولى اقعد معاه على نفس الطربيزه وبصراحه مكنش في مكان تاني قعدت لقيته بيبصلى جامد اتوترت
ونا قعده قدامه وعدت الايام ودا بنفس الطريقه ويعزمنى على الغدا كل يوم ونظراته زى
مهيا ولقيت فى ايام بيبقى زى الغول ويتعصب وېزعق وايام بيكون هادى انا بصراحه مستغرابه اووى وامبارح دخلت الاصنصير لقيته دخل ورايا والاصنصير 
عطل واحنا فيه وانتى عارفه انى بخاف اووى من الامكان المقفوله وبعرفش اتنفس ودا اللى حصل لقيته مړعوپ عليا ومسك ايدي ويقولى انا جنبك مټخافيش ولما اغمى عليا كان
صلحو الاصنصير صحيت لقتنى فى مكتبه وهوا كان بيفوقنى واول مافتحت عيونى لقيته فى وشى وبيسال اجبلك دكتوره وفى عيونه قلق عليا وبعدها لما خلصت شغل
صمم انو يوصلنى
ركبت معاه وسرحت لقيته بيقولي وصلتى استغربت وقولتله انت عارف مكان البيت اتوتر خالص وقالى عرفه من الملف بتاعى وقبل مانزل اخد رقم بابا وقالى انو عاوزه فى حاجه انا بصراحه مش مطمنه انتى اى رايك 
رونزى احم بصى يا اسيل من كلامك دا يدل انو كان عارفك من قبل ماتيجي المصنع وكمان دا بيحبك من تصرفاته يدل انو مش بس معجب لا دا بيحبك ونا اعتقد انو جاى يخطبك 
انتى اى رايك فيه  
اسيل بلبكه احم بصى هو بحس انو شايل المسوليه شخص يعتمد عليه وجد مش بتاع بنات بس الحاجه الوچشه انو عصبى بيتعصب بسرعه 
رونزى طب وانتى مش حاسه بحاجه نحيته من اهتمامه بيكى مثلا 
اسيل اممم هو انا ممكن احم اكون معجبه بشخصيته انما حب لا
انا اصلا ڈم .ا بصدو وقفله فى وشه 
رونزى طب لو جه اتقدملك هاتوفقى
اسيل مش عارفه والله 
رونزى يعينى يعينى والله وخدودك احمرت ومحدش قدك 
اسيل اسكتى يابت ويلا ماما بتنادى عشان ناكل
رونزى والله ماينفع انا اخويا بعتلى رساله هو قريب من هنا انا ماشيه
اسيل يعنى مش هاتاكلى معايا ماشى ياست شكرن 
رونزى هاجيلك تانى والله وابقى كلمينى لو اى حاجه حصلت تمام 
اسيل حاضر 
ومشيت رونزى 
اسيل كلت ودخلت اوضتها عشان تنام بس لقيت نفسها بتفكر فيه وفى تصرفاته معقول يكون بيحبنى وحاولت تنام بس معرفتش قامت من على السرير وقعدت على المكتب تصمم مودلات جديده
Aya Yosry
عند مجهولنا 
روح البيت ودخل على مامته يطمن عليها 
هو سلام عليكم عامله اى يامى 
مامته بخير طول مانت بخير ياحبيبى 
هو الدكتوره ماشيه معاكى كويس. 
مامته ايوه بس لقيت رجلى بدات توجعنى خالص
هو طب كويس انك بدات تحسى بيها ومعلش باذن الله هاتقدرى تمشي تانى بس كل حاجه وبتاخد وقتها 
مامته الحمدلله على كل حال 
هو عاوز اقولك حاجه 
مامته قول يابنى
هو احم قررت اخطب مامته بفرحه بجد يابنى انا مش مصدقه
هو اه والله باذن الله رايحه بكره انا ومصطفى 
مامته معلش يابنى كان نفسى اجى معاك في يوم زى دا بس اعمل اى نصيب
هو لا ي امى اللى انتى فيه دا حاجه مش بإيدك وع العموم هابقى اويكى صورتها بس ادعيلى توافق
مامته أن شاء الله توافق انت شاب كويس وربنا يقدملك اللي فيه الخير 
هو يارب هقوم اصلى وانام عايزه حاجه اعملهالك قبل منام 
مامته لا يابنى روح نام 
دخل اوضته اخد شاور وصل ونام
Aya Yosry
صباح يوم جديد 
عند أسيل 
صحيت اخدت شاور وصلت الصبح ولبست فستان اسود وطرحه نيلى وشنطه من نفس لون الطرحه وطلعت 
بعدها بنص ساعه وصلت المصنع 
بصت على الاصنصير ومشت طلعت السلم وعند اخر سلمه وقفت مش قادره تاخد نفسها دخلت مكتبها بالعافيه وقعدت بعدها هدت شويه لقيت جرس المكتب بيرن 
اسيل الو 
هو انسه اسيل تعالى مكتبى 
اسيل حاضر يافندم
خبطت ودخلت
اسيل صباح الخير كنت عاوزنى 
هو اه تعالى اقعدى 
احم انا نقلتك الشركه بتاعتى مكان مش هنا اى رايك
اسيل يافندم انا بالنسبه ليا عادى هنا ولا هناك الاتنين واحد
هو احم لا انا قررت خلاص وبعدين عملتلك مكتب هناك 
اسيل مكنش لي لازمه صدقنى وكمان المسافه هاتتطول عليا
هو مين قالك كدا الشركه بتاعتنا هنا مش بعيد 
اسيل ماشى يافندم اللى تشوفه 
هو بكره هاتيجى معايا تمام 
اسيل تمام 
وقامت ولسه هاتفتح الباب
هو اسيل بصى 
اتلفت نعم 
هو ممكن تاخديلى معاد مع ابوكى 
اسيل فى حاجه ولا ايه 
هو لا احم هاجى اتقدملك 
اسيل......
هو ساكته ليه 
اسيل هاقول اى
قام وراح عندها
هو اسيل انا معجب بيكي جدا 
معجب بأخلاقك معجب بشكلك معجب بكل حاجه فيكى وعايزه ادخل البيت من بابه ممكن تكلميلى باباكى
اسيل خدودها احمرت جامد وحاسه ان هايغمى عليها
اسيل بسرعه ماشى هاقوله عن اذنك ومشيت
هو اها يامجنونه يارب اجعلها من نصيبى يارب 
عند أسيل 
خرجت وراحت على المكتب وطلعتش منو خالص فونها رن وكانت اسراء اختها
اسراء اللى وحشانى خالص ومبتعبرش حد 
اسيل سو قلبى وحشتيني اووي فينك كل دا
اسراء انتى اللى فينك مبتجيش ليه عندى 
اسيل انتى عارفه ان بشتغل ويومى معدش فيه وقت وكمان الكليه هاتفتح اهى كمان اسبوع بصراحه متلغبطه خالص 
اسراء ولا يهمك ياقلبي المهم انتي عامله ايه 
اسيل بخير الحمدلله وانتى عامله اى وروقه
اسراء كويسين الحمدلله وجايين نقضى يومين عندكو 
اسيل تنورو والله هاتيجو امتى 
اسراء كمان يومين كدا هابقى اقولك قبلها
اسيل ماشى 
اسراء مش عاوزه حاجه ابقى سلميلي على ماما وبابا اوك
اسيل حاضر من عيوني 
اسيل رنت على رونزى رونزى الوو ايوه ياقلبى
اسيل رونزى عايزه اقولك حاجه حصلت 
رونزى اتكلمى بسرعه
اسيل اول ماروحت الشغل..... وحكيتلها على كل حاجه حصلت جوه
رونزى يالهووى يالهوى على الجمال ياربى ارزقنى بواحد شبههاسيل بالله بطلى هبل انا مكسوفه اطلع من المكتب اعمل اى
رونزى انا لو مكانك ابعت السكرتيره بتاعته تقوله انك تعبانه وعايزه تمشى
وهو عمره ماهيقولك لا
اسيل طيب بس خليكى معايا 
طلعت اسيل ووقفت قدام السكرتيره هدى
اسيل هدى بقولك ادخلى للمدير وقوليله اسيل عايزه تروح عشان تعبانه 
هدى طيب ثوانى
خبطت هدى ودخلت 
هدى احم يافندم الانسه اسيل بتستأذن منك عايزه تروح دلوقت عشان تعبانه 
نظره على شاشه الكاميرات وشايف اسيل واقفه متوتره 
هو قوليلها ألف سلامة ومتنساش الل قولتلها عليه
هدى حاضر يافندم عن إذنك 
طلعت هدى وقالت لاسيل كدا
اسيل تمام انا متشكره جدا 
ونزلت اسيل