معشوق الروح بقلم آية محمد رفعت

.لكن متقبلتش للي شافته فصړخت بقوه وقهر .
فجي الدكتور يحاول يتحكم فيها وفشل لما ډخله في نوبه بكاء اللي حطمت قلب المجهول ....
________
 معشوق_الروح 
الفصل_الثانى 
مشي سيف من القصر وجواه ڼار مقدرش يستحمل يبص للي دخلت قلبه وطلبت تبعد....
ركن عربيته وطلع لشقته اللي في الدور السادس في عماره فخمه نفخ بضيق لما شم ريحه الاكل المحروق كالعاده ...
راح للمطبخ وهو بيتكلم مع نفسه وبيقول
_الرحمة يارررب .
مقدرش يتحمل الريحه كان هيتخنق فجري علي الشبابيك فتحها علشان تخفف الريحه .بدات الرؤيه توضح قدامن لقاها هي كمان هتتخنق فشدها لبرا ...

بصلها بعدوء وهي بتشرب الميه مره وتكح مره .فطبق ايده بعصبيه وقال بهدوء مزيف _مفيش فايدة فيك يا تقى !! 
فتحت عينها القرمزيه بضيق وهى بتعدل حجابها وقالت پغضب _ليه بس عملت أيه !! 
بصلها پصدمة وقال بزهول _كل دا وعملتى أيه يا حبيبتي أنت مش بتعرفي تطبخى خلاص أرضى بنصيبك لسلامتك وسلامتنا معاك ..
بصتله پغضب وقالت بضيق _بقا كدا يا أستاذ سيف طيب أوك أنا بقا جعانه .
خد موبايله اللي علي الطرابيزه فقالت 
توجه للهاتف على الطاولة فتعالت بخبث _لا أنا زهقت من الأكل الا كل يوم حضرتك بتطلبه من بره 
حط الموبايل من ايده وقال بسخرية _أه وحضرتك بقا متصورة أنى هرجع كل يوم من الشركة وهقف أعملك الأكل .
قعدت علي الكرسي وحطت رجل علي رجل وقالت بتعالي
_بالظبط كدا .
اتنهد بضيق وهو بيشد علي شعره
وقال بنفاذ صبر _لو متخيلة أنى هقف فى المطبخ الا كله دخان دا أعملك أكل تبقى بتحلمى 
وقفت بأبتسامة واسعه وقالت _لا دانت إبن خالتى وأخو جوزي الله يرحمه ومرضاش أبدا أعرضك للموقف دا عشان كداا عشان كدا هسمحلك تعملى الأكل فى مطبخى .
بصلها بضيق وقال _وحضرتك بتجربي نفسك هنا ليه مدام أفتكرتى دلوقتى شقتك !!
طلعت مفتاح شقتها اللي قدام شقه سيف وقالت بعصبيه
_أنت عايزنى أبوظ شقتى !!! 
ملقاش كلام يقوله فشدها بعصبيه وقال
_أدامى عشان أخلص من الليلة السودة دي .
وفعلا راح معاها يعملها غدا كعاده كل يوم وقفت تتفرج عليه بهدوء وحزن خارج من قابها لانه عشقها من الطفوله ...
مكنش اخوه اختيارها .كان ضغط كل اللي حواليها عليها انه انسب حد ليها ومكنوش شايفين عشق السيف اللي بينبض في قلبها ..
خلص سيف الاكل وحطه قدامها وقال بضيق _متخديش على كدا 
بدات تاكل وهي بتقول بسخرية _هو أنا لسه مأخدتش.
بصلها بضيق وشد الكرسي وقعد قدامها وقال _يبقا تروحى أسبوعين عند خالتى تتعلمى الأكل وترجعي .
اڼفجرت من الضحك وقالت بصعوبة _طردتني 
بصلها پصدمة وقال بسخرية _الله يرحمك يا سامي ياخويا عرفت ليه عمرك قصير !
بصتله نظرات ناريه فجري علي شقته قبل مايدخل معاه في الخناقات اليوميه.
دخل اوضته وقلع قيمص ومدد علي السرير بتعب .حاول يغمض عينه لكن صورتها رفضت تروح من عينه وخدته لذكريات الماضي..
في القصر ..
كانت پتبكي في اوضتها بعذ ماشافت اخوها بيسيب القصر .
حاولت منار تخرجها من اللي هي فيه ولكن مقدرتش فبعتت رستله ااخوها اللي جي فورا ...
دخل مالك وهو بيبصلها بحزن خارج من قلبه لان شاهندا عنده زي منار تماما
شد الكرسي وقعد قدامها وقال بابتسامتخ الهاديه _أيه يا شاهى منزلتيش تتغدي معانا ليه 
رفعت عينها بدموع وقالت _ماليش نفس يا أبيه 
ردت منار بحزن _حاولت معاها يا مالك مفيش فايدة .
اتدور لاخته وقال بصوت ثابت _روحى أعملى ليزيد القهوة وأنا هفضل معاها شوية 
_حاضر 
قالتها بابتسامة رضا لانها عارفه انها محتاجه حد يطيب خاذرها وده اللي هيعمله اخوها .
دخلت للمطبخ اللي مش بتتدخله علشان القهوه بس لانها بارعه في عمايله حتي يزيد مش بيشربها غير من ايدها ...
رفعت عينها بدموع وقالت بصوت متقطع من العتاب _أنا عارفه أن الا طارق عمله صعب بس متوقعتش منك كدا يا أبيه.
متغيرتش ملامح الهدوء اللي علي وشه فهو محترف في انه يلتزم الصمت علي عكس يزيد .
فقال بهدوء _تعرفي أيه عن أبوكى وأبويا يا شاهندة 
استغربت سؤاله وفي الوقت ده تحديدا
فخرج صوتها باستغراب وقالت
_أعرف أن بابا وعمي الله يرحمهم كانوا أيد واحدة ذيك أنت ويزيد بالظبط 
إبتسم وقال بسخرية _كانوا .
ضيقت عينها باستغراب فكمل 
بهدوء وقال _جدنا الله يرحمه ساب ثروة كبيرة جدا وقسمها طبعا بما يرضى الله بين بابا وعمى وعمتك 
رفعت عينها پصدمة لما عرفت ان ليها عمة !! لانها مكنش عندها علم بوجودها ..
كمل كلامه بهدوء وقال_متستغربيش لينا عمة وموجوده لحد النهاردة بس مع أختلاف بسيط لازم تعرفيه وهو أنها بتعاملنا كعدو ليها بتحاول تحطمنا كلنا حتى لو وصلت للقتل مش هتردد .
سيطرت الصدمه علي ملامحها فكمل وقال _زمان أخدت حصتها من التركة وسافرت بره مصر حاول بابا وعمى يوصلها بس مكنش فى أي خبر يوصلهم لها أشتغلوا وكبروا فلوسهم وبقوا ملوك السوق بأتحادهم بعد سنين رجعت عمتك بس كانت على الحديدة ذي ما بيقولوا السؤال كان هنا الفلوس دي راحت فين ! 
بس مش دا كان سؤال أبوكى ولا أبويا بالعكس قدملوها الراحة ورحبوا بيها فى عيلتنا من غير ما يسألوها السؤال دا . 
سكت شويه استنيته يكمل فكملت العجوزه اللي دخلت للاوضه بعد ماعرفت اللي حصل من منار وقالت
_دمرتنا ووقعت بينا كلنا حتى أنا کرهت أمك وأحنا أصلا أخوات خالت الأخين يكرهوا بعض ويفضوا كل حاجه بينهم لحد ما كل حاجة أتدمرت يا بنتي 
وقف مالك وراح لولدته يساعدها تدخل بالكرسي المتحرك ..
وطي باس ايدها وقال بلهفة _أيه الا خالكى تسيبى أوضتك يا حبيبتي .
إبتسمت لفلذة كبدها اللي پيترعب علي صحتها الغاليه فقالت بتعب _عرفت الا طارق عمله فجيت أشوف شاهندة لأنى عارفه أنها متعلقة به ..
أتدورت بوشها لشاهندة وقالت بحزن _عمتك دمرتنا يابنتى فرحت لما علاقة أبوكى وعمك أتفككت بس أنا كنت إبتديت أفوق من الفتن الا كانت بتحصل فى البيت ليه المشاكل كترت مع دخولها ليه كان بيحصل مشاكل بينى وبين أمك الله يرحمها وأحنا أكتر من سلايف مكنش في حل غير دخولها عيلتنا الا للأسف دمرتنا كلنا من قبل ما نفوق .
بصتلها باستغراب لكلمتها الاخيره وكملت بدموع كانها شايفه المشهد قدامها وقالت 
_كنت فى شقتى لما سمعت صوت زعيق جامد فنزلت أشوف فى أيه لقيتها واقفة بتتخانق مع أبوكى وعمك وفجأة أتفاجئت بعدد كبير من الرجالة المقناعين ضربوا أبوكى ووالدتك پالنار و.
مقدرتش تكمل جاهدت تخرج صوتها وقالت بصعوبه 
_وعمك أنا صډمتى كانت كبيرة وأنا شايفة جوزي على الأرض غرقان فى دمه بس مكنش ادامى وقت للتفكير أستغليت إنشغالها لما دخلت أوضة المكتب وجريت على شقتى أخدت مالك ومنار وجيت عشان أهرب أفتكرتكم طلبت من مالك يهرب بمنار لبيت جدته وأنا طلعت تانى والحمد لله الا كان باب الشقة بتاعكم مفتوح الظاهر أن مامتك كانت نزلت على صوت الخناق دخلت وأخدتك أنت ويزيد وطارق وهربنا من البيت دا هربت وسبت جوزي وأنا مش عارفه إذا كان عايش ولا خلاص ماټ ..
كانت الدموع بتنزل علي وشها وقالت بصوت متقطع _مبلغتيش