كانت الايام لسوما العربي
ماتلم نفسك يالا.
كارم الله مش بقولك إلى انا شايفه... انت مش مظبوط والله.
عامر بقولك ايه.. انت هتعمل شغل المباحث ده عليا... اشرب قهوتك وانت ساكت.
كارم ياخى حرام عليك دى رابع قهوة اشربها امال فين الغدا.
عامرقول كده بقا.. حاضر يا سيدى هنأكلك.
ثم اخذ يتطلع حوله ربما تكون قد عادت من الخارج... منذ الصباح بعدما رحبت بخالته وابنتها بحفاوة غير عادية او متوقعه خرجت.. حتى لم تتناول الفطور معهم. وقد قارب المغرب على الأذان ولم تأتى حتى الآن.
كانت كارما تسير باتجاه هديل تحمل معها بعض المسليات فتحدث عامر سريعا كارما... كارما.
اتت سريعا تقول مساء الخير.. مساء الخير يا حضرة الظابط.
كارم مساء النور ازيك يا كارما.
كارما الحمد لله
عامر احمم.. اا لو الكل بقى موجود قوليلهم يحضروا الغدا.
عامر يعنى مليكه رجعتانا قاعد من بدرى فى الجنينة ماشوفتاش.
كارما لا ماهى بعتت رساله على موبيل تيتا انها هتتغدا برا.
حاول عدم الشعور بالضيق.. عادى... فلتأكل بالخارج وما يعنيه هو بالاساس.
ذهبت كارما وظل كارم يسلط نظراته الثاقبة على صديقه.
كارمهى فين مليكه صحيح... وحشتنى العفريته دى.. بقالى مده ماشوفتهاش.
كارم اممم... بس انت بتسأل عليها ليه
عامر ايه يابنى مش مسؤله منى.
كارممسؤله منك اااه.. صح عندك حق.
نظر له عامر بضيق وصمت. وكارم مازالت نظراته عليه يبتسم بخبث يود الضحك بشدة.
عامر فى ايه ياض انت بتبصلى كده ليه... انا غلطان اني مصاحب واحد زيك.
كارموالله انا ال غلطان فى حق نفسى أنى مصاحب واحد زيك.. حويط ومش صريح ابدا... قاعد من الصبح فيك حاجه.. عمال تفرك وتتلفت حوليك زى اللى عامل عامله وبتتحجج وتسأل على مليكه... عبط احنا بقا.. مانا اكيد هربط الاحداث ببعض يعنى وافهم انك بتتلفت تشوفها رجعت ولا لأ.
كارم بص بس عشان القفشه بتاعتك دى مش هتجيب معايا.. انا قاريك يالا.. انطق وقولى ايه سر التغيير المفاجئ ده.. فى ايه
عامر يابنى مافيش.. كل الحكايه انى عايز اتابعها بنفسى.. حصل حاجة كده من فتره خلتنى احس أني لازم اتابعها اكتر.
زم كارم شفيته بعدم اقتناع يضع اصبعيه تحت ذقنه يقولاممم... بجد.. حاجة ايه دى
ينظر لصديقه ينتظر الانبهار او الصدمه... كارم يعلم ذلك.. يعلم أن صديقه ينتظر منه ان يصدم ولكنه لن يفعل فليجعله يهبط من سماءه العالية قليلا ولا يتحدث هكذا عن مشاعر بنت صغيره كل ذنبها انها أحبته.
عامر ايه الى وبعدين.. انت ماسمعتش إلى انا قولته
كارم لا سمعت.. بس عااادي جدا وبيحصل كتير.
زوى عامر مابين حاجبيه بضيق وقالهو ايه اللي عادي يابنى انت
كارم ايوه.. بص هفهمك... هى قالتلك بحبك صح
عامر هممم صح.
كارم بطل تناكة اهلك دى ورد عليا عدل وحياة ابوك.
عامر احترم نفسك ياوكمل.
كارم ماعلينا.. هبلع الاهانه عشان مش عايز اضربك قدام اهللك.. أول حاجة طبيعي جدا ان بنت فى سنها تقريبا انت الى مربيها تقولك كده.. دى مشاعر مراهقة يعنى ممكن حست كده ساعتها بعدها بساعه واحدة لا.. بطلت.. مابقتش بتحبك ولا حاجة.. فى السن ده وخصوصا البنات بيبقي عندهم تغيرات كبيره وسريعة.. يعنى ممكن الى تحبه النهاردة تانى يوم تشوفوا عادى... مراهقه.
صدم عامر كليا وقال وهو يعتدل قليلا على مقعده نعم
كارمايه اول مره تسمع الكلام ده.. مادرستش علم نفس قبل كده
كان عامر صامت فقط مصډوم مما يقال.. فاكمل صديقه طب احكيلى كده بعدها كانت بتتعامل معاك إزاى
تحدث عامر بعد دقيقة من الصمت والزهول يخبره بما حدث وأنها تغيرت كثيرا بل وتتعامل كأنها لم تخبره شئ.
كل ذلك وكارم يشعر أنه لا.. تلك الصغيرة حقا تكن له شئ.. هذه ليست أول مرة يكن فيها بيته ويلاحظ اهتمامها به.. لكن ليربى عامر قليلا ربما تحدث المعجزة ويتغير جبل الجليد هذا.
كارم بهدوء طيب شوفت... زى ماقولتلك بالظبط.. والدليل على كده انها بتتعامل بهدوء وبراحة خالص.. هو حاجة من الاتنين.. ياما هى كانت بتحبك فعلا ولما انت قولت كده اتضايقت من نفسها انها حبت واحد حيوان وجلف زيك.
. عامر ولااا.
كارم اسمع منى انا بكلمك كأخ.. رد فعلك على كلامها كان بشع يعنى لو هى بټموت فيك ردت فعلك كفيله انها تكرهك الف مره.. مش بتحبها ومش عارف تشوفها كده ترفض اه بس تحترم مشاعرها مش تقعد تضحك وتقرقع اوى.. هى قالتلك نكته ده انت حيوان اوى.
عامر كاااارم.
كارمبلا كارم بلا زفت على دماغك.. بنوته صغيره وحلوه جايه تقولك وبنفسها بمنتهى البراءه انا بحبك تقوم انت تقعد تقهقه اوى كده يالى ماعندكش ډم يازباله... ياخى ياريتها كانت حبتنى انا وانا كنت فتحت حته من ضلوعي كده ودخلتها جواها خبيتها وروحت نمت وانا مرتاح ومبسوط... عارف يعني ايه يا مهزق يا عديم الډم لما بنوته في سنها تروح تقول لواحد هى انها بتحبه عارف ولا انت أعمى القلب والنظر.... مش كفاية انها حبت واحد زيك بسنك الى عجز وتقل دمك وبرودك.. يخربيتك ده انت مافيش فيك ميزه... وكمان بتتنك اوى... انت عارف واحده حلوه جدا جدا جدا زى مليكه وصغيرة كام واحد يتمناها وانت تقولها انتى بنوتى... يا اخى جتك البلا فى تقل دمك وسماجتك.
كل هذا وعامر مصډوم... هل كل ما اعتقده غير موجود.. هل فعلا أصبحت لا تهتم.. توقفت عن حبها له.. والدليل على ذلك تغيرها الكامل.
نظر پصدمه ناحية كارم وقال والاحتمال التانى
كارم الاحتمال التانى انها مشاعر مراهقه سريعه وجديدة عليها... حست كده وقتها فاجت تقولك وبعدها مافيش... هما شويه أحاسيس جديدة حست بيهم وعبرت عنهم وبعدها خلاص مافيش.
عامر ايه
كارم لأ ده فى احتمال انيل وانيل.
عامرايه هو
كارم بمكرانها بتحبك.. اب.. اخ. مش اكتر وهو ده كان قصدها ساعتها.
صدم عامر على الاخير يتحدث بزهول ايييه
كارم ببروداه.. هى مثلا قالتلك عايزاك تتجوزنى.. تخطبنى.. اى حاجة من الحاجات دى
ردد عامر پصدمه لأ.
كارم طيب مايمكن قصدها انها بتحبك بالشكل ده. الاب والأخ.. انت ليه دماغك راحت فى حته تانيه
ابتلع لعابه يقوللأ.. لا ياكارم ماكنش قصدها كده.
كارم وانت تعرف منين.... ولا انت الى من جواك بتتمنى ان ده يكون قصدها.
رفع نظره له بتفاجئ يقول قصدك ايه
كارم مش قصدى.. بص انا عارف انك طول عمرك شايفها بنتك.. ولحد دلوقتي انا عارف ومتاكد أنك يعنى مالحقتش تحبها.. بس انت الكبر الى بيجرى فى ډم اهلك ده صورلك انها جايه تقولك بمۏت فيك.. مايمكن قصدها حاجة تانيه... هو هو نفس الكبر الى مخليك دلوقتي مش متقبل فكرة انها بطلت تجرى وراك ويبقي كل اهتمامها متركز عليك انت لوحدك وانت لا تهتم ولا تاخد بالك.. عايز ترفض حبها وكمان تهين مشاعرها الى
