بعد الظهلررجعت للبيت
انت في الصفحة 5 من 5 صفحات
ايوه ؟
يومين أزاي بس حضرتك..دا جوزك م١ت في حادثة
من سنه ونص ؟؟
سمعت الجملة اللي كانت زي الصاعقة عليا
وافتكرت كل حاجة
لحظة ما سمعت الخبر..وجريت ع المستشفى
نظرته ليا وهو بين الحياة والمoت..إيده لما فلتت مني
والدكتور بيجس نبضه وبيهز رأسه وبيقول في اسف
البقاء لله يا مدام
لحظتها افتكرت كل حاجة …الدنيا لفت بيا
ووقعت على الأرض فاقدة الوعي
لما فوقت كلمت بنت خالتي وجات لي ع المستشفى
اول ما دخلت حضنتني
سلامتك يا حنين..مالك يا قلبي
تقى..يوسف يا تقى
اهدى يا حبيتي.. وقوليلي حصل ايه ؟
حكيت لها على كل حاجة حصلت..وتغيره معايا اخر فترة
لغاية ما ساب البيت من يومين معقول
كل دا وانا عايشه في ووهم؟
لأ مكانش وهم يا حنين ؟
يعني ايه !!
بعد وفاة جوزك بشهرين..كانت حالتك النفسية
سيئة جدا وتصرفاتك كانت عدوانية مع الكل
في ست كانت بتيجي تنضفلك الشقة مرة كل اسبوع
اه فاكراها
لما شافتك كدا..اقترحت توديكي لوحده تعرفها
بتحضر أرواح.وانتي عشان مكنتيش في وعيك
وحزنك على مoت يوسف..واشتياقك ليه
سمعتي كلامها وروحتي للست دي
وقدرت بطريقة ما تخليكي تتواصلي مع روح يوسف
نفسيتك أبتدت تتحسن ومع الوقت بقى عندك ادمان
على الموضوع دا
لدرجة انك قررتي تعملي دا بنفسك ف البيت
وبعد كذا محاولة حضرتي روحه..وبقى عايش معاكي
مكنتش مستوعبه كلامها
بتقولي ايه !!
انتي من سنه او اكتر فاكرة نفسك عايشه مع يوسف
وصدقتي الكدبة اللي كدبتيها
لكن مع الوقت ابتديتي تفوقي لروحك
خصوصا اخر 5 شهور..لما شريف ظهر في حياتك وابتدا يقربلك
ايوه شريف صح
يوسف جوه البيت كان مسيطر عليكي، لكن بره لأ
..وعرف أن في راجل دخل حياتك..عشان كدا
تصرفاته اتغيرت معاكي من وقتها
ساعات كان بيبقى حنين عشان متبعديش عنه
وساعات يعمل امور تخوفك..لما تزعليه بحكاية شريف
اللي كان بيخليكي تنسيه اول ما رجلك تدخل البيت
وانتي كنتي في صراع نفسي رهيب.
وانا كنت دايما بحاول اخرجك منه..بس هو كانت
سيطرته اكبر عليكي مني ومن أي بشر
ومن 3 ايام تمت خطوبتك على شريف
ودي دبلته اللي ف ايدك
بصيت لأيدي وشوفت الدبله وافتكرت ليه انا كنت راجعه
سعيدة يومها وطايرة من الفرحه
وعشان كدا يوسف كان غضبان وفضل يزعق
ويكسر..لأنه كان غيران عليا
فضلت أعيط وأنا بسمع كلام تقى وبجمع الخيوط ببعضها
خلاص يا حبيبتي..يوسف كدا سابك وعرف
انك مش ليه..سابك تعيشي حياتك مع راجل غيره
امسحي دموعك بقى..عشان شريف عرف انك تعبانه
وزمانه على وصول دلوقت.
لازم تنسي وتعيشي حياتك وكفاية اوي اللي حصلك لحد كدا
متقلقيش..ربنا هيعوضك خير
تمت
