العملية فشلت أنا أسفة
انت في الصفحة 4 من 4 صفحات
اسر: مالك ى حبيبتى
آسيا: مفيش بس دايخه
اسر: طب تعالى نروح لدكتور انتى بقالك فترة تعبانه
آسيا: دور تعب وهيروح ملهوش داعى
اسر: آسيا اسكتى وقفل النار على الاكل ادخلى البسى
بعد ساعتين فى المستشفى
- مبروك المدام حامل
كنت مصدومه: ازاى!
الدكتورة: هو اى الى ازاى حضرتك حامل فى شهر
اسيا: بس انا كان عندى تكيسات على المبيض ومشاكل كتير
الدكتورة: ربك إذا أراد انتى بس فى شويه تعليمات لازم تلتزمى بيهم
و بدأت تتكلم مع اسر الى كان حاضن ايدى واول ماطلعنا ونازلنا
اسر: آسيا آسيا انتى مش عايزة تخلفى منى؟
اسيا: لا طبعا بس دا مستحيل
اسر: هو فيه ع رب كريم مستحيل؟
حضنته فى نص الشارع كنت مبسوطه وكان حد مسك العالم كله بإيده
و مر 8 شهور كان اسر شايلنى من ع الارض وخاصه لما عرفت ان هما تؤام بنت وولد
يوم ولدتى فضل ماسك ايدى ودخل معايا العمليات
لما فقت من البنج كان جانبى والاوضه متزينه وجانبى ورد وسرير اطفال فيه اولادى وامى واخواتى
اسر: آسيا فقتى
باس ايدى حمدالله على سلامتك ى حبيبتى
امى: حمدالله على سلامتك ى حبيبي
آسر: هنادى الدكتورة تطمن عليكى ومشى
امى: هو الى زين الاوضه وكل شويه يسأل هتفوقى امتا وادى كل الممرضين فلوس
انس: دها غير الأطفال الى وزع عليهم حاجات حلوة
محمود: ربنا عوضك بيه ى آسيا ربنا يخليكم لبعض
جت الدكتورة وطمنته
اسر: وشك مش عاجبنى انتى تعبانه
أسيا: والله كويسه
امى: متقلقش ى حبيبي هى كويسه
اسر:يارب تكون كويسه فعلا ى امى هنسميهم ايه؟
آسيا: مريم ومروان
آسر قرب منى: بحبك
بعد 23 سنه
آسر: يلا ى آسيا هنتاخر بقالك ساعه بتقولى شويه
آسيا وطلعت
آسر: ولسا بتحلى النبيتى فى عينك وباس رأسها
آسيا: لسا زى القمر ى آسر
مريم ومروان: هنتأخر ع حفله تخرجنا وانتوا واقفين تحبوا بعض
آسر وهو بيحضن آسيا: يلا ى يخويا اودامى دا انا يوم تخرجى ومن نفس الكليه مروحتش اصلا ومال على آسيا: ما تيجى نروح اخرجك وفكك من العيال دى
آسيا بنفس الهمس: معلش بقا زى عيالنا
و اتحطت صورة جانب صورة اسرة آسر الاولى، صورتنا مع ولادنا وهما بيتخرجوا
" وجئت اثباتًا بأن بعد كل صبر جبر!"♡
