شيخ مين اللي هتجوزه يل ماما
- إي لأ مفيش ي سلمى..بقولك اي ي سلمى هو انتي مش عايزه تتغيري، مش حابه تقربي من ربنا وتكوني أحسن؟!
- ضحكت بصوت عالي وقالت:
مين ! الشيخه جميلة بتتكلم...مالك يجميلة يحبيبتي مكنتي ماشيه كويسه.. هجاوبك يستي لأ مش عايزه انا حابه اعيش حياتي بالطول والعرض ولما اكبر هبقى اصلي واصوم واعمل كل حاجه..ياللا بقا عشان عندنا سهره جامده النهارده وحبيب القلب جااااي
- هو مين
-مازن...قالي هاجي عشان اشوف جميلة " بغمزه منها " أصلك وحشتيه
( حسيت ساعتها إن قد إي انا كنت تايهه مع سلمى ف عالمها فعلا الصاحب ساحب )
- لأ مفيش مازن م النهارده..انا اتجوزت محمد
- نعمممم ! اتجوزتي الشيخ؟
ابقي قابليني لو نفعتي معاه هتسبيه مش هتكملي اسبوع هيقعد يقولك متطلعيش لايفات ولا تلبسي بناطيل ولا تعيشي حياتك ومتمشيش مع دا ودي لأ بقولك مع نفسك أنا ماليش ف كلام الخنقه دا وتتعلمي منه وتخنقيني معاكي باي ي قطه اروح اشوف حياتي بقا
( زعلت جدًا وحسيت ان الدنيـا اسودت ف وشي بقا سلمى أعز صحابي اللي كنا مع بعض ف كل حاجه..كنا مع بعض ف اي ! ف كل وحش مكناش مع بعض ف أي حاجه عدله بس ازاي تخلت عني بسهوله كدا لقيت دموعي بتنزل من غير م حس..من عادتي اني مش بعيط بارده ف كل حاجه بس تقريبا دي كانت اول مره اعيط فيها من ساعت مoت جدي الله يرحمه دخلت الحمام عدلت شعري اللي
كان باين نصه وحسيت اني كدا أجمل( " الستر لا ينقص من جمالهن شئ ") ورجعت صليت الضهر، حسيت اني عايزه اقرأ قرآن فتحت المصحف بتاعتي بعد منفضت التراب اللي كان عليه م الركنه زعلت وتحسرت على نفسي جدا وقرأت فيه شويه، لحد ما محمد يجي عشان ننزل أول درس دين هحضره، جرس الباب رن فتحت ونزلت مع محمد وصليت العصر والدرس بتاعه بدأ
- خرجت من المسجد واستنيت جميله لحد ما هي طلعت واتقبلنا، ماشين في الطريق سوا
- شرحك جميل أوي يامحمد
- بجد عجبك
- اوي واستفدت منك كتير
- وانتي كمان لبسك جميل جدا وشكلك في الواسع جميل واحلي بكتير
- بجد عجبك" فرحت انه عجبه مش عارفه لي"
- ايوا عجبني جدا
- اتكسفت وحطيت وشي ف الأرض ( اي دا أنا بتكسف اعععع)
- انتي مراتي ياجميله ف مش حرام
- محمد انا عايزه اصلي قيام ليل
- محمد بفرحه" بجد يجميله؟
- أيوا..علمني ازاي أصليه وعلمني حجات كتير عايزه ابقى زيك
- طب اطلعي البيت يلا ساعدي ماما شويه وبعد الفطار هجيلك نتكلم
- هستنا تكلمني
- ماشي
" طلعت البيت "
- السلام عليكم يا ماما
- وعليكم السلام
- تحبي اساعدك في حاجه
- انتي كويسة ياجميله
- ايوا لي
- اصلك اول مره تقوليلي كده
