كنت بفتش في تليفون اختي الي م@اتت من اسبوع

فتشت اكتر في الصور، بعد شويه لقيت صوره لظهر شخص، كانت مغبشه زي الصوره الي شفتها في الأول
ركزت في الصوره، كان ضهر الراجل المرعب الي كان في الصوره الاولي وكانت في ايده السلسله.
فكرت ندي حملت الصوره دي من اي موقع؟
وايه شغفها في الصوره المرعبه دي؟
بصيت في الصوره اكتر هنا اترعبت اكتر ورميت التليفون على السرير
خزانة ملابس ندي ظاهره في الصوره
بعد ما هديت مسكت التليفون تاني فعلا دي أوضة ندي

محاولش افكر، رجعت الصوره الأولى مره تانيه
كانت غرفة ندي، وشها وجسمها ظاهر في المرايه مرعوبه كأنها هتموت!
جسمي كله ارتعش، قعدت ابص حواليه برعب، انا وندى بنام في غرفه واحده.
يعني الصوره دي كانت هنا، الشخص الم*رعب ده كان موجود هنا!
ندي ممكن تكون اتق،تلت؟
قعدت اصرخ واعيط لحد ما والدي ووالدتي دخلو الغرفه لقيوني برتعش من الخوف