فى يوم ذهب بقلم حورية طه
ده انت مستوعب ان ضربه سکينه زي دي لو كانت اتحركت شويه كانت ممكن تصيب كبده وتبقى مشكله
طاهر والحمد لله ما حصلش يلا خد شنطه دي واخرج معايا بهدوء
حسن طب هي فين صبا مش المفروض تبقى معاه دلوقتي وبعدين هو اټعور ازاي
طاهر لا هو انت ما حدش قال لك انت هنا دكتور وبس مش مباحث
طاهر يوصل حسن لحد عربيته ويقابلهم صبا وكامل
حسن لا يفهم ما يحدث حوله ياخذ عربيته ويمشي
صبا كاران عايش
طاهر الحمد لله كنت فين يا عروسه
كامل ادخل انت ياصبا عند جوزك واطمني عليه
صبا تدخل وتسيب كامل وطاهر بره !!
طاهر قبل ما تتكلم وتقول اي حاجه امشي دلوقتي وكلامنا هيبقى بعدين لما كاران يفوق
طاهر يقاطعوا قلت لك دي حاجه تخص كاران لما يفوق يبقى يشوف هو هيعمل ايه
ف صباح اليوم التالي
يستيقظ كاران من نومه ويتحرك بتعب وعينه تاجي على صبا اللي نايمه على الكرسي انت ايه اللي نيمك في اوضتي
صبا بخضه في ايه يا بني ادم انت في حد يصح حد كده !!
كاران يا سلام على البراءه هو انا مش قلت لك امشي امبارح ايه اللي رجعك
كاران لا والله مصېبه لو كنت خاېفه عليا
صبا هو انت ليه صاحي تقول شكل للبيع ما تسكت شويه بقى
كاران انا بجد مش قادره افهم البجاحه بتاعتك دي انت مستوعبه انك حاولتي ټقتليني امبارح
صبا تعدل المخده ورا دماغه ولا للاسف فشلت
كاران يمسك ايدها هو انت بتكرهيني بجد
يطرق الباب احد الشغالين كاران بيه ماهر بيه مستنيك انت والمدام تحت على الفطار
كاران طيب شويه ونازلين
ويرجع يوجه كلامه لصبا انا مش عايز جدو يعرف حاجه عن اللي حصل ليله امبارح
صبا لكن انا مش خاېفه احنا الاتنين عارفين ان اللي انا عملته ده ممكن يتعاد تاني
كاران اولا ما فيش داعي ابدا لاي حد يعرف الموضوع زي ما انت ما قلتي ده بيني وبينك ثانيا انا جاهز دائم لو حاولت تعيديها تاني !!
البارت الثالث
صبا بلاش والنبي جو التلزيق ده ما حدش قال لك انك اتشليت
كاران وهو بيحاول يسند على كتفها عشان ينزل هو اللي عندك ده لسان ولا عقرب جاتك القرف في ملافظك
صبا وهي بتشيل ايده من على كتفها طب حاول بقى تاخد بالك من نفسك لان العقرب ده ممكن في لحظه يلدغك
تحت رجلي واهرسه
صبا يا اخي اتنيل على عينك وانت قادر اتصلب طولك عشان يكون فيك حيل تهدد
كاران ما بقاش كاران الطحان لو ما جبت للسانك ده قرار ازاله
صبا طيب حاول ترمم نفسك الاول علشان اللي بيعمل ما بيقولش
كاران بكره تشوفي ابن الطحان هيعمل فيك ايه
صبا نفسي اشوف لك عشان ما شفتلكش
كاران بغيظ انا هزعلك بس
صبا بتحدي وريني
ماهر بابتسامه تعالوا يا ولاد واخيرا جه اليوم اللي هنفطر فيه مع بعض انا وحفيدي ومراته
طاهر يعني هو بس اللي حفيدك يا جدو امال انا ايه
ماهر يا حبيبي هو حفيدي الكبير وانت حفيد الصغير
طاهر ماشي يا سي جدو طيب اسيبكم انا بقى علشان عندي معاد شغل مهم
كاران خلصت الشغل اللي قلت لك عليه
طاهر سيبك انت من الشغل العريس وركز انت مع عروستك
كاران يقعد على الكرسي ويبدا يتناول فطاره بيحاول يبلع كلام طاهر
طاهر اقترب من صبا وبصوت منخفض حاولي تهتمي بالچرح اللي فتحتيه علشان حسن مشغول في المستشفى مش هيعرف يجي والف مبروك يا مرات اخويا
ينهي كلامه ويسيبهم ويمشي
صبا تقعد معاهم على سفره الفطار وتتناول فطرها هي الثانيه
في بيت كامل
امل يعني ايه بنتي كان فرحها امبارح وعلى مين على المړيض النفسي ده
كامل انا كبير العيله واللي اقول عليه يتسمع من غير مناقشه
امل بانفعال يعني هي مفهماني ان عندها نبطشيه في المستشفى امبارح وانت تيجي دلوقتي تقول لي انها اتجوزت كاران الطحان وعايزني اقفل بقي واسكت
كامل المناقشه في الموضوع مش هتفيد لانها خلاص اتجوزته
امل انت ازاي ترمي بنتي في الڼار دي وانت عارف العداوه الكبيره اللي بين العيلتين من غير حتى ما تاخد رايي
كامل بنتك مش صغيره واخذت قرارها وهي اخذت القرار الصح كان لازم الجواز ده يتم علشان العداوه تنتهي
امل بعصبيه انا هروح اجيب بنتي مش هسيبها الثانيه واحده في القصر الملعۏن ده ولا هسمح ان المړيض ده يلمسها
كامل لا اطمني لا هيلمسها ولا هيقرب منها الجوازه دي على الورق مش اكثر
امل انت بتفكر في ايه ايه اللي عايز توصل له من خلال بنتي مش كفايه ابوها اللي ماټ وما نعرفش لحد دلوقتي اللي تسبب في مۏته
كامل انا قلت باب المناقشه في الموضوع ده اتقفل مش عايز اسمع ولا كلمه تاني فيها
امل طيب انا عايز اشوف بنتي ولا ممنوع
كامل ابقى خدي زين وروحي شوفيها زي ما انت عايزه ما حدش هيمنعك
امل ومالك عرف بالجوازه دي وساب خطيبته كده تروح تتجوز من واحد ثاني
كامل لما مالك يرجع من السفر انا هتكلم معاه ما تشغليش بالك انت مالك
في اوضه زين
امل تنظر له وهو نايم ولا على باله هو الثاني تشد اللحاف من عليه بزعيق لا انا بجد مش مصدقاكم ايه الهدوء اللي انتم فيه ده يلا قوم
زين بخضه خير يا ماما في ايه
امل بعصبيه انت كنت تعرف المصېبه اللي اختك عملتها دي هي وجدك وما قلتليش
زين وهو يحاول يفتح عينيه يا ماما يا حبيبتي ما انت عارفه جدو لما بيقول كلمه لازم ينفذها ! وبنتك كمان عناديه موافقه على كلامه
امل يلا قومي البس علشان توديني عند اختك
زين دلوقتي ربنا يهديك يا ماما اهدي دلوقتي ولما ارجع من الكليه هوديكي
امل بانفعال قلت لك قوم البس وديني عند اختك انا مش عارفه انتم جايبين البرود بتاعكم ده منين
زين بضيق يقوم من على السرير حاضر يا ماما يا حبيبتي نص ساعه وابقى جاهز
رؤوف الجوازه تمت والعيلتين اتحدوا يعني كده قوتهم هتتضاعف واكيد هيتحركوا مع بعض
خالد الجواز مش هو السلام بين العيلتين ممكن اوي يكون هو بدايه الصراع الحقيقي بينهم
رؤوف ازاي يا باشا المعلومات اللي عندي بتاكد ان كاران مستحيل يفكر ان هو ياذي صبا كانت حبيبته
خالد كاران ممكن ما يحاولش يؤذي صبا لكن ممكن صبا تحاول
رؤوف يعني ممكن كامل يكون بيرتب لحاجه ويكون في احتمال ان صبا عارفه ان كاران هو اللي قتل ابوها
خالد في شغلنا ما فيش مجال للاحتمال البضاعه اللي طاهر استلمها عايز اعرف هي فين
رؤوف دي حاجه مستحيله يا باشا كاران وطاهر ما بيشاركوش المعلومه دي مع اي حد حتى مع اقرب رجالهم
خالد يبقى جه الوقت اللي هنعمل فيه زياره الكامل علشان نعرف كل
المعلومات اللي احنا عايزينها
رؤوف تحت
