بتفوق

بتفوق بتلاقي نفسها في مخزن بتبص حواليها بقرف_ ده ايه القرف ده عصابه منتنه مش يستنضفو 
بيدخل عليها واحد وبيتكلم ببرود _ بتقولي حاجه !
اسيل بقرف_ايه المكان المقرف ده
اسر بغيظ_انا لو عليا ارميكي في مقلب زباله
اسيل بتديق عنيها وتبصله كويس واتكلمت بشهقه_ هو انت
اسر_ اه انا 
اسيل _ طب تعرف ان ليك واحشه ياراجل طمنتني وانا اللي فاكره حد غريب خاطفني
اسر بغيظ_ بقي انتي يا مفعوصه يلي متطلعيش شبر وربع عايزه تخربي حياتي
اسيل_ اعمل ايه يعني ما انت اللي راجل مفتري وساڤل
اسر بتريقه_تقومي تسخني عليا بابا
اسيل بتقوم تقف وهي بتعرج _ معلش بقي تتعوض ...يلا خرجني من هنا كانت فسحه جميله.

اسر بيكلمها وهو خارج_ ما انتي فسحتك هتطول معانا

اسيل بتلطم_ يا ليله سوده ربنا ينتقم منك يا اسر يا ابن شوقيه اشوف فيك يوم انت وامك .
بتفضل تدور علي اي حاجه تساعدها انها تخرج.
بتلاقي الاوضه كلها مكركبه وفيها حاجات كتير بتشوف حديده بتيجي تمسكها بيطلعلها فار بتبصله وهي خاېفه_ هش هش ابعد
بتقعد علي الارض وتضم رجلها پخوف من الفار وبعد شويه الباب بيتفتح _ خدي اطفحي
اسيل_ اللهي تنشك في معاميعك 
اسر_ بتبرطمي تقولي ايه!
اسيل_بقولك تعالي اطفح معايا قصدي تعالي كل
اسر_ لا انا واكل 
اسيل بخبث_ بقولك يا اسورى
اسر بقرف_ اسورك في عينك اسمي اسر يا بت
اسيل_ طب يا اسور كنت عايزه اخرج عشان ورايا كليه
اسر ببرود_ وانا اعملك ايه
اسيل_ خرجني من هنا


اسر_ يخربيت صداعك يا شيخه بت انتي افصلي شويه
اسيل پخنقه_بعني مش هتخرجني
اسر ببرود_لا
اسيل طب يلا اخلع من هنا....بيسيبها ويمشي بتفضل هي قاعده مكانها _ عاااااا ياربي يعني يوم ما اتخطف وحلم حياتي يتحقق يخطفني الجربان ده لا وفي مخزن قديم ومفيش فسح 
بيدخل عليها واحد_ اسر بيه بيقولك وطي صوتك وكفايه صداع
اسيل بتريقه_ اسر بيه الله يرحمك يا اسر تسلخات 
الراجل_اخرسي شويه


اسيل بخبث_يروحي باين عليك تعبان اوي تعالي كل معايا اكل
الراجل_انا فعلا جعان ومأكلتش بس مش هينفع
اسيل بتمثل الحزن_ليه ده كنا هنقعد ناكل ونحكي شويه
الراجل_ طيب بسرعه قبل ما اسر بيه ياخد باله
اسيل بقرف_ بيقولي اسر بيه تاني....طب يلا تعالي ناكل
اول ما بيقعد ياكل بتجيب عصايه من وراه وتضربه بيها علي راسه وتاخد المسډس بتاعه وبتخرج
اسر من وراها بضحك_ ههههه لا ذكيه
اول ما بيقعد ياكل بتجيب عصايه من وراه وتضربه بيها علي راسه وتاخد المسډس بتاعه وبتخرج
اسر من وراها بضحك_ ههههه لا ذكيه
بتلف ليه وهي بتلطم_ياليلتك المهببه بهباب اسود علي راسك يا اسيل
اسر_عايزه تهربي
اسيل بصړاخ_ طب وديني لو ما سبتني اخرج دلوقتي لأرقع بالصوت والم عليك امه لا اله الا الله
اسر بيجيب كرسي ويبقعد عليه وهو بيضحك_ جربي
اسيل بتصرخ بصوت

عالي_الحقونييييييييييي
بتبص لآسر وبتضحك بغباء_استني اما اجرب تاني_يولاد الجزمه. الحقوني هموتتت مش وقت هزار
برضه مفيش فايده بتبص لآسر وهي بتضحك_ الظاهر انهم نايمين
اسر حاطط رجل علي رجل وبيتكلم ببرود_ادخلي المخزن واقفلي علي نفسك
اسيل بتبصله بغيظ وبترفع المسډس في وشه_ هطخك وهتاويك يا اسر 
اسر بضحك_ ههههه وريني
اسيل پصدمه بتبص ورا اسر_ لا يا عمو علاء ابنك ملوش ذنب خلاص
اسر بيبص پخوف وراه واسيل بتطلع تجري
اسر بضحك_ اه يا بنت ال ....هههه مجنونه
اسيل بتطلع برا عند العربيات ولسه هتوقف تاكسي بتاخد بالها ان شنطتها مش

موجوده_ لو رجعت مش بعيد ېقتلني
بتوقف شاب معدي _ممكن اتكلم من التليفون بتاعك
الشاب_اه خدي
اسيل حافظه رقم صاحبتها ف بترن عليها
الشاب_رد
اسيل_جرس...اه خلاص ردت
اسيل_الو يا زينه
زينه بنوم_ايه يا زفته
اسيل _قوميلي ياختي وصحصحي كده اخوكي كان خاطفني
زينه بضحك_ هههه خاطڤك ليه
اسيل بغيظ_ بقي بتضحكي عليا 
زينه بضحك_ سوري سوري ها بقي خطڤك ليه
اسيل بضحك وهي بتفتكر _هههه ابدا ده انا لما كنت عندك 
Flash back 
اسيل سمعت اسر بيكلم واحده في الفون_ الو يا حبيبتي انتي فين اجيلك

اسيل بتلطم_يالهوي كمان تعرف بنات وصايع وفيك عبر الدنيا كلها...انا لازم اقول لعمو علاء
اسيل بتروح المكتب تقول لعمو علاء وبتخبط علي الباب
علاء_ادخل
اسيل بتدخل و بتاخد نفسها بالعافيه_ يالهوي ياعمو ....لحظه اخد نفسي
علاء بضحك_ في ايه يابنتي انتي حد بيجري وراكي
اسيل_هييييح بص بقي يا علاء انا بعتبرك اكتر من صاحب 
علاء بضحك_ علاء حاف من غير القاب
اسيل_ لا القاب ايه بقي بقولك اكتر من صاحب
علاء بيحاول يكتم ضحتكه علي صاحبه بنته المجنونه_ها حصل ايه


اسيل_ ابنك المنحرف اللي معرفتش تربيه يا علاء بيكلم بنات وبيقولهم اجيبكم البيت انا مجهز الخمره والبيره وكل حاجه والسهره تمام
علاء بجديه_ صح الكلام ده
اسيل بتأكيد وهي بتهز راسها_اومال ايه صح الصح كمان انا سمعاه بودني دي انشالله اعدمك يا عمو علاء
علاء_ تمام يا اسيل انا ليا تصرف معاه
اسيل بفرحه_ جدع يا علاء هو ده علاء اللي اعرفه هو ده علاء اللي معرفش يربي ابنه ايوه كده يراجل طلع الحاجات