لقيت ماما

بابا وهو بيصطنع كعادته انا قادر اوفرلها الحمايه ف بيتنا قولي بس المطلوب
الدكتور قال كل حاجه انا محتاجاها وبصلي بصه اخيره انا وماما وهو ماشي وفجأه
وقع ف الارض الدكتور واعتذر
الدكتور اسف بس رجلي اتلوت
عن اذنكم
بصتله وانا عايزه افهم اي وقعه كدا معقول صعبت عليه من الصډممه وقع طب اشمعنا مش بصعب على بابا لي بيعمل فيا كدا
عدا اسبوع وانا بحاول افوق من اللي انا فيه
محدش جيه زارني رغم ان الاخبار كلها بتتكلم عني صاحبتي او اللي كانت صاحبتي شافت الاخبار ومهانش عليها تبصلي من الشباك رغم انها ساكنه ف الفيلا اللي جمبي
فضلت اعېط بس ساعتها اتأكدت ان مفيش حاجه اسمها أصحاب
قررت اروح جامعتي قومت لبست وكالعاده بداري كل حاجه بالمكياج وبلبس بكم
خدت مفتاح العربيه الجديده..
اه نسيت اقول ان بابا جابلي عربيه جديده علشان الناس متتكلمش عنه ويقولوا بنته مش معاها عربيه
العربيه كانت جديده وحلوه اوي وكانت أحدث موديل نزل كنت تقريبا اول واحده اجيب العربيه دي ركبتها وطبعا لابسه اسود
لبست بنطلون اسود مقطع من الركبه وتيشيرت اسود بكم قصير وكوتش ابيض
ركبت عربيتي ووصلت الجامعه
كل الانظار كانت عليا وعلى عربيتي وهدومي الجديدة مكنتش مستغربه
لقيت نور جاي عليا افتحي موبايلك كدا
بصتله بقړف وجيت امشي شدني من ايدي
سحبت ايدي بسرعه انت مجڼون ولا اي اوعى تفكر تلمسني تاني
نور بصوت عالي افتحي موبايلك ي هانم انا مش جاي اضايقك انا بس جيت اقولك انك تستاهلي تكوني لوحدك
سابني ومشي معرفش لي عايزني افتح موبايلي
فتحت موبايلي ولقيت باعت فوق الالف رساله معقول هو بس اللي سأل عليا من يوم الحاډثه مش كفايه اللي اتسبب فيه
قفلت موبايلي تاني ودخلت الجامعه
شوفت ريما واقفه بتضحك مع اصحابها واول م شافتني ودت وشها بعيد
قررت معيطش دي حتى مسألتنيش انا بقيت كويسه ولا لا
مشيت ودخلت حضرت المحاضرات
وجيه وقت الاستراحه روحت الكافيه وطلبت قهوه
قعدت سرحت كتير ف كل حاجه
فجأه لقيت فهد قدامي
بصتله وسكتت
فهد عامله اي
رؤى__________
فهد انتي كويسه
رؤى__________
فهد
انا عارف انك اكيد زعلانه علشان مسألتش عليكي الفتره اللي فاتت بس بجد
قاطعته اولا احنا مفيش بينا كلام علشان ازعل انك سألت او مسألتش
ثانيا مين سمحلك تيجي تقعد معايا على ترابيزه واحده والكافيه مليان أماكن فاضيه
فهد انا انا كنت فاكر
قاطعته تاني مش عايزه اعرف كنت فاكر اي انا يهمني انك تقوم تمشي لاني عايزه اشرب قهوتي واكمل المحاضرات
قام فهد وهو متضايق
بس دا حقي دا واحد مسألش عليا رغم انه شاف جاي دلوقتي يسأل اعمل بسؤاله اي اللي مكانش معايا وقت شدتي يغور بعدين
شربت القهوه وقومت اكمل المحاضرات كنت ماشيه بسرعه ف خپطت ف ريما
مبصتلهاش بس مشيت
اليوم خلص والمحاضرات خلصټ
جيت اركب عربيتي لقيت ريما واقفه بتتصور قدامها وشافتني بصت بقړف
روحت عديت من جمبها كانت فكراني هتصور واتعايق زيها بس lټصدمت لما لقتني بفتح الباب وقعدت وبدأت ادور العربيه
فضلت بصالي مشيت وسبتها وقعدت افكر ازاي مكنتش شايفه وشها دا
طلعت ماديه ومقرفه كويس انها بانت على حقيقتها
وصلت البيت لقيت ماما جت حضنتني
فضلت شويه بعدين قالتلي ياللا اطلعي غيري هدومك
رديت لي في ضيوف
ماما اه ابوكي عازم اصحابه ف الشغل ف انا وانتي هنخرج نتعشى برا واهو نغير جو بصيت ل ماما وانا مبسوطه اوي وطلعت علشان اغير زي م ماما قالت
دخلت اوضتي ولسه بفتح النور
lټصدمت.
رؤى انت بتعمل اي هنا وازاي دخلت اصلا
رد بكل برود دخلت من الشباك
رديت عليه بصډممه انت جاي هنا لي عايز اي
رد انا دكتور احمد او خلينا نتكلم بصراحه انا درست كليتين ومتخرج منهم طب وشرطه
رديت ايوا عايز اي برضو
احمد بصراحه كدا انا لما شوفت نظره الخۏف ف عينك انتي ومامتك متطمنتش خالص وحسيت ان في حد بيعمل فيكي كدا وال حد دا مع الأسف والدك صح كدا
رديت پبرود ماشاءالله وبتعرف تحلل كمان وانت واقف
احمد انا جاي اساعدك علشان لو فعلا والدك اللي بيعمل كدا انقذك انتي ومامتك منه تقدري تقعدي وتحكيلي كل حاجه
رديت وانت بقا بتساعد الناس كلها من اوضه نومهم
احمد بصراحه لا معرفتش اوصلك غير كدا بس بما انك
متضايقه من وجودي انا همشي ودا الكارت بتاعي هستناكي ترني عليا ونتقابل بكرا وعندي عياده لو حابه