رواية انارت حياتي الجزء الاول طلقني يا عز
-امنية أنا بحبك اوووي بس كمان انا نفسي يكون ليا ابن...ده حقي يا أمنية...مينفعش تحرميني من حقي...
بلعت ريقي ودموعي نزلت وقولت:
-عايز تتجوز ؟!
هز رأسه فمسحت دموعي وقولت:
-وماله يا عز ده شرع ربنا وحقك يكون ليك ابن وانا مش هعترض طريقك وابقي عايشة معاك..وهكتفي اني اكون معاك وبس...
ابتسم هو وحضني وقال:
-انتي احسن ست في العالم ده كله يا أمنية انتي ست البنات...
دموعي نزلت اكتر وانا بحضنه...صحيح ده شرع ربنا أنا مقدرش اتكلم بس قلبي كان بيت*حرق اووي...
باك
بعدين عز اتجوز منال واللي وقتها اعتبرتها اختي...حاولت كتير اني اصاحبها...محبتش أشيل كر*ه في قلبي من ناحيتها رغم أن عيلة جوزي كانت بتفضلها عليا بطريقة واضحة...بيخرجوها معاهم ولو فيه مناسبة عائلية بيقولوها هي مش أنا...وزاد التفضيل لما هي حملت وقتها قررت اني مهتمش الا بجوزي بس واللي كان بيعاملني كويس اووي زي ما يكون عايز يعوضني عن جوازه عليا...لكن طبعا الاهتمام قل لما هي حملت...وانعدم لما ولدت...مبقتش وقتها اشوفه خالص الا نادر بس قولت عادي ده عنده ابن ودلوقتي هو الأهم...لكن اللي بتقوله ضرتي ده صعب...ازاي تطلب كده منه...بس عز بيحبني...مستحيل يعمل كده...
-بتقولي ايه يا منال..حرام عليكي أنا خليت جوزي يتجوزك وقبلت بالوضع رغم أنه كان مهتم بيكي اكتر مني لكن ده افت*را...
بصت منال لعز وقالت:
-وانا مش عايزة ضرة يا عز...يا تطلقها يا تطلقني...وانت اختار!!!
عز
قولتها وانا بعيط لعز المصدوم...اتكلمت منال وقالت:
