سيده المكر بقلم سولييه نصار
انت في الصفحة 4 من 4 صفحات
بصلها بكسره...هو ذات نفسه صعب عليا انه حب انسانة بالجحود ده بس في نفس الوقت لقيت حل لمشكلتي ...
بعد ما مشي ياسين بالسر
من البيت مشيت وراه ووقفته
والله يا مدام انا مش حر...
انت صديق صافي صح
ايوة
ومالك خاېف وداخل بالسر كده ليه كنت دخلت من الباب
اصل ...اصل
خلاص
خلاص ...
خد موبايلي سجل
حسيت وشه نور ...كان ساذج للاسف عشان كده قدرت تضحك عليه ...سجل نمرته ومشي ...اتفقنا نتقابل واتقابلنا....
في الكافية
انت بتحب صافي
اكتر مما تتخيلي
تمام يبقي اعمل اللي اقولك عليه ....
يوم كتب الكتاب ...
كنت واقفة جنب عماد وانا مبتسمة ببص لساعتي وانا خاېفة ان ياسين يتأخر ...ابتسمت بإنتصار لما الجرس رن ...ما شاء الله علي الوقت تماما ...دخل ياسين هو واهله ...
وزي ما وعدتك يا عمي جيت انا واهلي وجاهز اكتب الكتاب .
لطمت صافي وانا ابتسمت ...ياسين عمل اللي قولت عليه بالحرف بصراحة متوقعتش كده هو فعلا كلم ابو صافي الاول واعترف انه غلط مع بنته ومستعد يتحمل نتيجة غلطه وطبعا ابو صافي وافق عشان علي الاقل ميخربش بيت عماد ...وبكده اتكتب كتب صافي وعماد
ابتسمت وانا ببص لصافي وقولت
قولتلك يا صفصف انا في المكر ابقي امك اللي ربتك
صړخت صافي وهي بتقول
انتي شيطانة ...مش مصدقة حقارتك .
مسكت شعرها لحد ما كنت هخلعه في ايدي وقولت
محدش حقېر قدك تغلطي مع واحد وعايزة تتجوزي واحد تاني ...بس التاني ده ملكي يا صافي وفي اليوم اللي تبصي لحد ملكي هفقع عينيكي فاهمة ...
ابتسمت وقولت
انا عملت معاكي الصح جوزتك اللي غلطتي معاه ...فاعتبري دي فرصة تانية انا رحمتك المرة دي بس لو فكرتي تقربي لحاجة ملكي تاني مش هرحمك يا شاطرة ...
مرت الايام واتجوزت صافي وخلصت منها وعماد كمان ارتاح ....
كنت قاعدة علي السرير بستعد عشان انام بعد يوم طويل في فرح العقربة صافي
ياااه اخيرا خلصنا من صافي وهمها وفضيت ليكي يا جميل .
بصتله ببرود وقولت
اطلع بره
ايه
قولتلك يا عماد اطلع بره انت متعاقب
بس ..
قومت وشديته وانا بقول
لما يجيني مزاج ....
وبعدين زقيته برة الأوضة وكملت
هسامحك وادخلك اوضتنا يا اعبط خلق الله .
وبعدين قفلت الباب وانا بضحك عليه وهو بيزعق من برة ...انا صحيح سامحته بس عايز قرصة ودن صغيرة صح
تمت
سيدةالمكر
سولييه نصار
