الباب بيخبط

كده أنت عارف إنه بني آدم تنح ومحدش بيحبه في المكتب أصلا
_ سليم أنا مرضتش اضربه علشان إنتي معايا بس لكن غير كده كنت سففته التراب
_ فريدة لا سليم حبيبي چنتل مان ملوش دعوة بالناس الوحشين دول
_ سليم ضحك على كلامها يا بنتي أنا بتكلم في إيه وإنتي بتتكلمي في إيه إنتي غلبانة أوي يا فيري
_ فريدة بمسكنة اه والله يا بني ده أنا بجري على يتامه ومش لاقيين نأكل
_ سليم يا يا حجة ده إنتي صعبتي عليا أوي
_ فريدة ضړبته في كتفه حجة في عينك بقا أنا حجة
_ سليم ينظر لعينيها وأحلى حجة شافتها عيوني بقولك تتجوزيني
_ فريدة بخجل الله حد يخض حد كده وبعدين جواز إيه دلوقتي

_ سليم باستغراب إنتي مش ملاحظة بقالنا سنتين مخطوبين وإنتي كل شوية تأجلي.
_ فريدة بتوتر عادي يا سليم بس قلقانة شوية.
_ سليم مسك أيديها من إيه يا عيون سليم.
_ فريدة خاېفة حبك ليا في يوم يقل أو تبطل تحبني مع مرور الوقت أو معرفش أسعدك وماما مش عاوزة اسيبها لوحدها أنا وهي ملناش غير بعض.
_ سليم طيب وأنا رحت فين أنا هفضل جنبكوا لحد آخر يوم في عمري ومش هتخلى عنكم أبدا وبعدين أنا عمري ما قلبي دق لبنت غيرك وحبي مش هيقل مع مرور الوقت زي ما بتقولي بالعكس أنا كل يوم حبك بيزيد في قلبي ومبقتش شايف غيرك وبعدين أنا اللي خاېف مقدرش أسعدك بس وعد مني مش هخليكي تشتكي مني في يوم من الأيام أو ټندمي إنك وثقتي فيا اتجوزيني إنتي بس واكسبي فيا ثواب.
_ فريدة برضو مصمم يا سليم.
_ سليم بتنهيدة طب بصي يا ستي أنا عندي فكرة احنا نكتب الكتاب اهو أحس إننا أخدنا خطوة في علاقتنا والفرح هنعمله وقت ما تحبي ها موافقة .
_ فريدة موافقة بس أما أشوف رأي ماما الأول.
_ سليم طب يلا قومي نروح نشوف ماما.
رجعنا البيت وسليم كلم ماما وهى وافقت على كتب الكتاب واتفقنا نعمله آخر الأسبوع وتاني يوم نشرنا الخبر في المكتب وعزمنا صحابنا والأسبوع عدا بسرعة محستش بيه والنهاردة كتب الكتاب سليم كان لابس بنطلون اسود وقميص أبيض كان قمر الواد وأنا لبست دريس جراي وحطيت ميك اب خفيف وبعدها المأذون جه وسمعنا جملته بارك الله لكما وبارك عليكما وجمع بينكما في خير
_ سليم بمغازلة مبروك يا حرم سليم فايز.
_ فريدة بخجل الله يبارك فيك .
_ سليم ألا القمر طالع في الأوضة ليه.
_ فريدة فين ده.
_ سليم وحضن فريدة وهمسلها اهو واقف قدامي اهو
_ فريدة بخضة أنت مش هتبطل تخضني كده ھټموټني ناقصة عمر.
_ سليم ومازال حاضنها بعد الشړ عليكي يا عيون سليم ثم إني أنا بحب أغفلك .
_ فريدة أبعد بقا حد هيدخل علينا وهيبقا شكلنا وحش
_ سليم إنتي مراتي على فكرا وبعدين هما عارفين إننا قاعدين مع بعض فمحدش هيدخل.
وبعدها بأسبوع الجواب وصلني فقت من شرودي على صوت الفون وكانت ماما بتطمن عليا رجعت البيت وماما كانت قلقانة لأني اتأخرت عن ميعاد رجوعي من الشغل
_ هانم بقلق إيه يا بنتي التأخير ده كله .
_ فريدة بتعب معلش يا ماما مأخدتش بالي من الوقت.
_ هانم طب أحضرلك العشاء.
_ فريدة لا مش جعانة أنا هدخل أنام بس .
_ هانم طيب يا حبيبتي ربنا يسعدك يارب يابنتي .
دخلت غيرت ونمت .
بعد أسبوع
جالي تليفون من المكتب وكان أستاذ حمدي عاوزني في حاجة مهمة مكنتش هنزل وأروح بس لأني بحترمه وهو عكس ابنه تماما فنزلت ورحت المكتب خبطت على الباب ودخلت
_ حمدي بابتسامة أهلا يا بنتي نورتي
_ فريدة بابتسامة أهلا يا حمدي بيه إيه أخبار حضرتك
_ حمدي أنا في نعمة الحمد لله بس زعلان منك مش إنتي بتعتبريني زي أبوكي ليه مجتيش واشتكيتي من محمد وأنا كنت حاسبته على كلامه معاكي
_ فريدة ملوش داعي حضرتك أستاذ محمد غلط واعتذر وأنا نسيت الموضوع بس بعتذر على قلة حضوري وأوعدك مش هغيب تاني وإن شاء الله أكون عند حسن ظن حضرتك
_ حمدي أنا واثق فيكي وبالتوفيق إن شاء الله
خرجت من المكتب وقررت إني هكمل حياتي وأنجح في شغلي ومش علشان تجربة فاشلة يبقا أوقف حياتي لا بالعكس هكمل وأكون قوية .
_ محمد بابتسامة اذيك يا فريدة أنا بعتذر لتاني مرة أنا آسف
_ فريدة حصل خير يا أستاذ محمد عن إذنك
رحت على مكتبي اتكلمت مع نهى زميلتي في المكتب
نهى بابتسامة إيه يا بنتي رحتي وقولتي عدولي
فريدة بابتسامة معلش يا قمر كنت تعبانة شوية
نهى بمرح سلامتك يا حبيبتي وعفونا عنك أنا بقا بعزمك على خطوبتي بكرة إن شاء الله عندنا في البيت ولو رفضتي هزعل جدا
فريدة بسعادة وحضنتها ياروحي ألف مبروك يا حبيبتي ربنا يتمملك على خير ويا ترى مين سعيد الحظ