كتب كتابى
اخدت شاور واتوضت وادت فرضها وقعدت فى الصاله
سيف صحي وقام مخضوض فاكر أن هي مشيت تاني خرج لاقاها بره ارتاح وراح قعد جنبها
سيف بابتسامه صباحيه مباركه يا أجمل عروسه
وعد بخجل الله يبارك فيك
لسه هيقرب منها جرس الباب رن
سيف انا هقوم اشوف مين
قام فتح الباب وكانت ميرهان
ميرهان دخلت حضنته بدلع وقالت وحشتنى ياسيفو
سيف زقها پعنف وقال عايزه ايه ياميرهان
قاطع كلامها لما شافت وعد واقفه وراه وبصلها بتحدي
ميرهان بسخريه اااه ده عشان ست الحسن والجمال هنا ياترى قالتلك هي كانت هربانه مع مين
قاطعها صفعه قويه من سيف وهي اټصدمت
سيف پغضب والله العظيم لو جبتى سيرة مراتى على لسانك تانى لا هيكون ليا تصرف تاني معاكي ماشى
ميرهان پصدمه انت بتضربنى عشان دي !!!
ميرهان قالت بتوعد ماشى ياسيف هخرج بس مش هسيب حقى
خرجت ميرهان وسيف قفل الباب ده كله تحت صدمة وعد ال فرحت جدا بكلامه واتمنت فعلا أن يكون كلامه كله حقيقى
سيف قرب منها ومسك ايدها بحب مالك ياوعد
سيف امممم سيبى الاجابه دي لأن هثبتهالك أفعال مش كلام ممكن
وعد بتمني
سيف شالها ودخل بيها الاوضه الخاصه بيهم
هاجر العفيفى
أذكروا الله
ميرهان پغضب اومال انتي قولتى ليه أنها عندك ياملك
ملك بتوتر والله كانت عندي فعلا م وقالتلى أنها راحه عند قريبتها مجاش فى دماغى أنها هترجع لسيف تاني دلوقتي خالص لانها مكانتش طيقاه
ملك ايه
ميرهان ھڨتلها وأحزنه عليها
يتبع
رأفت ابن عمتك جاي من السفر هو ومراته وبنته بكره
الطبق وقع من ايدي اتكسر ميه حته علي الارض
زي ما وقع قلبي تماما بين رجليا اول ما سمعت الخبر
رأفت راجع
بصت ماما للطبق اللي وقع بلا مبالاه وردت بهدوء
ايوه وعمتك عزمانا كلنا بمناسبه رجوعهم
بس....
مسكتني من دراعي وبصتلي بقوه وإصرار
مفيش بس انا بنتي مش ضعيفه ولا جبانه عشان تهرب من حاجه فات عليها تلت سنين
عيوني لمعت بالدموع ولفيت بظهري وانا بهز راسي بنفي
مش هقدر ياماما مش هقدر صدقيني
لفت ووقفت قدامي وهي بتسألني بهدوء
لسه بتحبيه يا اسماء
لا لا طبعا مش بحبه
اومال ليه مش عايزه تروحي
عشان العيله كلها عارفه أن احنا كنا هنتخطب وهو بكل بجاحه راح اتجوز واحده غيري
انا بكره نظرات الشفقة ياماما!
وعيله بابا كلها نظراتها هتبقي ما بين شماته وشفقه وانا مش هستحمل ده
حاوطت وشي وابتسمت بحنيه
طول مانا جنبك اوعي تحملي الهم
هنروح سوا ولو حسيت بس مجرد احساس أن في حد بيبصلك بصه مش عجباكي ولا قال كلمه مش حلوه صدقيني هيبقي يومه اسود زي وشه!
ابتسمت ابتسامه باهته واترميت في حضنها وانا بغمض عيوني وباخد نفس عميق
وفي الحقيقه لولا وجود ماما في حياتي كنت هتوه
لولا حضنها وقت الخۏف وطبطبتها وقت الحزن وكلامها اللي بيهون علي قلبي كنت هفضل بلف في دايره مقفوله ملهاش نهايه
وجود ماما كان هو أكبر نجاه لقلبي ونفسي
خرجت من حضنها وانا ببص علي الارض وببتسم بمرح مصطنع
اول مره حاجه تتكسر ومتهزقنيش
ردت بابتسامه صفراء
لا مانا كنت ناويه اهزقك
لا خلاص وحياه امك انا هنضف الأرض وهجبلك بكره احلي منه
ابتسمت ابتسامه طيبه زي قلبها
فداكي الف طبق ياحبيبتي
بوست ايديها بحب
ربنا يخليكي ليا يارب
شويه ودخلت اوضتي وقفلت الباب واخدت نفس عميق وانا بسند ظهري عليه وببص قدامي
فعلا النسيان ده طلع اصعب قرار الأنسان ممكن ياخده!
عمره ما كان بالسهل أننا ننسي شخص عيشنا معاه تفاصيل وبنينا معاه ذكريات لسنين طويله
عمره ما كان بالسهل علي قلوبنا أن كل التفاصيل وكل الذكريات وكل الايام اللي اتعاشت تتبخر في لمح البصر
ميقدرش يتخطي كل ده غير شخص ميعرفش يعني ايه حب حقيقي
شخص حبه مزيف كلامه مزيف مشاعره مزيفه حتي هو نفسه مزيف!
روحت قعدت علي طرف السرير ودموعي عرفت طريقها علي خدي زي كل ليله من وقت ما هونت وهانت مشاعري علي رأفت وفضل غيري واتجوزها ما بين يوم وليله وكأني مكنتش موجوده من الأساس
بالرغم أنه فات علي اليوم ده تلت سنين لكن بفتكره كأنه امبارح
فلاش باك
ا احم اسماء ا انا هسافر
سيبت العصير اللي كنت بشربه وحطيته علي التربيزه قدامي پصدمه
هتسافر!
اه امريكا هشتغل هناك
ضحكت بذهول
انت بتتكلم بجد
هز رأسه بلا مبالاة
ايوه يابنتي وهي الحاجات ديه فيها هزار
ايوه بس بس انت كنت قولتلي انك هتأجل حوار السفر ده لحد ما نتجوز!
حك فروه راسه بتوتر وإحراج
ا اسماء انا كنت عايز اقولك حاجه بس ارجوكي متزعليش
قلبي اتقبض وتلقائيا عيوني لمعت بالدموع
قول
ب بصي يا أسماء هو ه هو بصراحه يعني انا مشاعري من نحيتك دلوقتي مشاعر اخ لاخته أنا فعلا بحبك جدا ب بس ا أحم ب بس بصراحه زي اختي مش قادر اتخيل أن علاقتنا تاخد شكل غير الاخوه
تعرفوا
لو كان الكلام بېموت كان زماني فعلا مېته من كلامه اللي اترمي في وشي بكل قسوه وكأن الرحمه اتنزعت من قلبه
وقتها لما سمعت كلامه كنت عامله زي التايهه!
سكتت تماما
حتي كل الأصوات اللي حوليا كانت بالنسبالي مش موجوده
مكانش سهل عليا اتقبل اللي اتقال
مكانش سهل بعد ما عشمت نفسي وقلبي ورسمت طريقي وحياتي ومستقبلي معاه يجي هو ويهد سقف طموحي واحلامي في لمح البصر وبكل برود وقسوه!!!!
اتنهدت تنهيده طويله ومسك ايدي وقالي بحزن
اسماء انا....
اتنفضت من مكاني وسحبت ايدي وانا بهز راسي بذهول مش طبيعي
ليه!
رد باستغراب
هو ايه اللي ليه
بصيتله وانا بعيط
ليه عشمتني لما انت مش بتحبني
اسماء انا معشمتكيش
صړخت فيه پجنون لدرجه ان كل الكافيه سمع صوتي
لا عشمتني انا مش هحبك من فراغ!
من وقت ما كنا عيال وانت بتقولي انا بحبك ولما نكبر هنتجوز
بس ديه كانت مشاعر مراهقه يااسماء كنت فاكر أننا لما نكبر مشاعرنا هتكبر معانا بس محصلش لما كبرت عرفت انها بتتغير!
ضحكت بذهول من بين دموعي
ولما مشاعرك اتغيرت مقولتش ليه من الاول
عشمتني ليه فضلت تقولي بحبك وهتجوزك لما اكون نفسى ليه
بتبصلي بنظرات كلها حب واعجاب ليه
بتقولي كلام حب ميتقالش غير من واحد عاشق ليه
قولت لكل العيله اننا هنتخطب قريب لييييه!!!
سكت وبصلي بأحراج وحزن وطال صمته ف استنتجت وقتها أنه حتي لو اتكلم مفيش كلام أو مبرر ممكن يداوي چرحي
اخدت شنطتي والفون بتاعي وقومت وقفت وانا ببصله للمره الاخيره بكسره وقهره
حسبي الله ونعم الوكيل فيك عمري ما هسامحك لا دنيا ولا آخره يا رأفت
قولت كلامي وخطيت خطوه وانا جوايا بصيص امل أنه يوقفني ويقولي ده كان مقلب مش حقيقه!
لكن الامل اتحطم اتحول لسراب اول ما خرجت من الكافيه وانا بجر ورايا خيبه املي ومشاعري المتبعثره وقلبي المشروخ
كانت المره الاخيره اللي اشوفه فيها لانه سافر بعدها علي امريكا
كنت بحاول اهرب من اي تجمع عائلي لاني عارفه ومتأكده أن الكل هيسألني عنه!
كرامتي وكبريائي
