أنا هطلقك

موضوع عدي أحسن.
ضحك
لا يلا كملي غدا وبعدين أروح بقا روفيدة وحشتني.
قلب عمتو سلملي عليها وعلى سلمى اللي مبتتكلمش معايا كأنها مش بنت خالتي.
شاطرة في تغيير المواضيع واشطر في كبت مشاعري ومتمناش أقابله بعد ما رتبت حياتي واحدة واحدة تاني على غيابه.
ومش كل حاجة بنتمناها بتحصل من شغل للبيت لشارع كل مكان موجود فيه ومتعمد يظهر قدامي وكل مرة قلبي بيوجعني وكأنه لسه سايبني حالا.
هتوصلني
لا عندي شغل.
الله يرحمك يا قرابة.
معلش بقا يا تاج.
ركب عربيته ومشي وأنا طلعت الفون وطلبت اوبر شوية والعربية جت ركبت وقولت بإبتسامة العنوان وفضلت ساكتة ومشغولة بالفون لحد ما لاحظت أن المشوار اللي مسافته ربع ساعة كسر الساعة وربع قولت بإستغراب.
حضرتك مش ده العنوان!
عارف.
رديت بعصبية
رجعني المركز يا عدي.
لما نتكلم.
مفيش بينا كلام.
لا في وفي كتير.
حاولت أفتح الباب فقفله فضلت قاعدة بعصبية ولما وصلنا عند البيت نزلت معاه وطلعت البيت دخلت وراه ولفيت وابتسمتله بإستهزاء.
وحشتيني يا تاج.
بصيتله بنفور
وإيه كمان
أنا آسف إني عملت كده بس أنا كنت...
قاطعته
ضعيف.
بصلي پصدمة رميت الشنطة بعصبية وكملت
إيه مصډوم أيوة ضعيف وأضعف حد عرفته خواف ومعندكش عقل فاكرني جاية هنا علشان اسمعك لا أنا جاية علشان اسمعك.
اتحركت في الشقة وأنا بكسر فيها بعصبية
هنا وصلتني رسالة طلاقي وهنا كنت بعيط على وحدتي وكسرتي منك وهنا كنت بفتكر وعودك وكلامك وهنا اتوجعت منك بتعاقبني على عيبك ليه انا ذنبي إيه في إنك مبتخلفش!
أنا كنت موافقة وراضية وكان في الف طريقة نحل بيها المشكلة دي بس أنت استسهلت قررت ونفذت ورميتني ومفكرتش في مرة إن فيا ۏجع نفس وجعك أنت أناني يا عدي.
اتنهدت وحاولت أخد نفسي اللي انقطع وطيت وخدت شنطتي وقولت وأنا بخرج
مش عايزة اشوفك تاني.
قال بكسرة
أنا رديتك في نفس الأسبوع.
اتكلمت بعصبية وأنا بزقه
الباشمهندس قرر يطلق فطلق وقرر يرجعني فرجعني إنما أنا ماليش حق أقرر مصيري!
أفرض اتجوزت كان هيبقى إيه الوضع بينا كنت هبقى متجوزاك ولا متجوزاه أنت رمتني في مرة بمزاجك فرجوعي بمزاجي أنا.
مشيت بسرعة وركبت أول تاكسي قدامي كنت بعيط على كل كلمة قولتها علشان عارفة هي إزاي هتوجعه كنت قاسېة عليه عارفة.
بس كل القسۏة دي مش هتكون ربع احساسي في الشهور اللي فاتت.
كنت بنام وأقوم على ۏجع أنه رماني اتخلى عني وأنا اللي كنت بشاركه وجعه زي ما هو محروم من خلفه أنا اتحرمت بس الفرق إني كنت مستعدة أضحي وأكمل معاه هو قرر يبعد.
هو عمل كده علشان يسيبلك حرية الإختيار.
أنا كنت مختاره عايزاه هو وراضية ومش زعلانة.
اتنهد
هكلمك من باب إني راجل مش دكتور لما بنعرف أننا فعلا مش هنقدر نخلف بنحس بأن رجولتنا اتكسرت وإني أقل من إني أكون أب أو اجيب حد يسندني في الدنيا بعدين والوضع نفسيا بيبقى مرهق جدا وبنبدأ نشكك في كل حاجة حوالينا حتى مقدار حبنا للي قدامنا.
الكلام ده أنا عرفاه وفعلا كنت متحملاه يا مراد.
لكن في مرة طلبتي تتبنوا طفل.
علشان خاطره هو.
هو فهم إنك عايزة طفل وده حقك وعلشان كده قرر يسيبلك حرية الإختيار وسافر وبعتلك ورقتك بس هو متحملش ورجعك في نفس الأسبوع.
بكل أنانية منه.
لا بكل حب.
بصيتله وسكت فقال
قبل ما تكوني بنت عمي فأنتي مراته هو الدنيا كلها هرسته حرفيا وانتي جيتي عليه بما فيه الكفاية بكلامك اظن اديله فرصة وكده كده هو رجعك.
مكنتش عايزة أشوفه لأن كلامي ليه بيوجعني متخيلتش اني قسيت عليه أوي كده وهو خد جنب يتعافى من كلامي أصلها صعبة اللي بتحبه يكسرك.
مش هترجعي البيت.
لفيت بهدوء
إيه اللي جابك هنا
جايلك.
مش بيتي علشان ارجعه.
طيب ادينا فرصة تانية.
وأنت مدتناش فرصة ليه!
أنا فعلا كنت خاېف وضعيف جبان وأناني بس مقدرتش أكمل من غيرك.
واكتشفت ده بعد 5 شهور!
كان لازم أكمل المشروع اللي طلعته علشان أقدر أرجع صدقيني يا تاج أنا مكنتش عارف أفكر.
وإيه أتغير
أنتي وجودك هو اللي كان ساندني وبعدك وقعت وأنا فعلا مش عايز من