أنا هطلقك

أكلت برا.
بصيت على الساعة ورجعت بصيتله
الساعة 3 يا عدي كنت فين كل ده!
هو تحقيق!
وقفت قدامه وسألته بإستغراب
تحقيق علشان عايزة اطمن عليك!
تحقيق علشان مش واثقة فيا.
رديت بدفاع
مكنتش اتجوزتك.
قربت وابتسمت
أنا بس بقلق عليك ومفيش في عقلي حاجة غير عدي راح فين وجه منين ووصل فين ويا ترى وحشته زي مهو واحشني!
رد وهو بيطبطب على أيدي
أنتي وحشاني وانتي معايا يا تاج.
ضحكت وقولت بخفة
الله الله ايه الكلام الحلو اللي نسيته من أيام الخطوبة ده!
غمزلي وقال
كل يوم من ده!
طيب بما إنك رايق كده مبتفكرش نتبني حد صغنن كده.
بصلي بعصبية وبعد عني
نعم
رديت بسرعة
بقول نفكر سوا يعني لو مش عايز عادي.
بصلي شوية وبعدها قال
أنا مش عايز غيرك يا تاج.
وكل حلو مش بيدوم أصل هي الحياة كده بتعلمنا بالدروس وكل مرة القلم بيبقى كبير بشكل يوجع.
صحيت على خبر سفره في شغل رسالة لطيفة آخرها سامحيني كنت فاكرة إن اسامحه علشان معاملته الجافة وزعله مني بس لما وصلتني رسالة منه بطلاقي حسيت إني اتهزيت معيطتش أو مكنتش قادرة اعيط منتظراه يدخل البيت فجأة ويقولي كنت بهزر معاكي ووقتها بس هعيط علشان مينفعش حد يهزر مع حد بقلبه كده!
يعني إيه مش هتمشي من البيت!
يعني ده بيتي.
كان بيتك!
بصيتله بۏجع
مش همشي بردو.
هتقعدي فيه بصفتك إيه يا تاج!
من غير صفة يا بابا مش همشي.
بصيت لبابا وسكت اتنهدت ماما وقالت
سيبها يومين وهترجع.
كل حاجة بتتحول كل حاجة بتتغير المكان هو هو بس المشاعر مختلفة وكل مكان فيه ذكرى كأني كنت قاعدة علشان اعاقب نفسي.
يوم والتاني وأنا مستنياه يرجع وكل مرة الباب بيخبط وافتحه بأمل إني الاقيه بس مبلاقيهوش.
والبعد بيقسي أنا معترفة إني بياعة بس مبعرفش ابيعه.
قررت أمشي بعد ما قررت أقسى أخدت حاجتي واللي باقي مني وروحت بيتنا رجعت لحياتي اللي خدني منها واللي منها شغلي.
دكتور مراد عايزك.
خبطت ودخلت بإبتسامة
نعم يا دكتور.
خلصتي جلساتك
أيوة خلاص.
طيب يلا علشان عازمك على الغدا.
ضحكت
لا آخر مرة قعدت تقولي أضرار أكل الأسماء ومش ناقصة تكرهني في باقي الأصناف وبعدين عاملني على قد عقلي لو سمحت أنا أصلا مبركزش.
ضحك
لا مش هتكلم المرة دي!
احلف
خلاص بجد والله مش هكرهك في الأكل.
خرجنا سوا بعد الشغل روحنا المطعم وفضلنا قاعدين منتظرين الأكل دكتور مراد شغوف بالعلم جدا شخص طموح وعنده أمل كبير واسع وسع الدنيا وعنده حلم وطول عمره بيحلم يحققه.
يعني في ظاهرة إسمها ال meditation ودي عبارة عن تأمل الفرد عموما.
بصيت له بنفاذ صبر
كفاية يا مراد.
لا طبعا لازم اكملك في الهند عندهم التأمل نوع من أنواع العبادة مع ظاهرة التحنيط لحد ما يتوحد مع البيئة ويصل للإله.
حطيت أيدي على خدي
وده بيحصل إزاي
بيفضل 3 سنين مش بياكل إلا ورق شجر ويمص نوع حجارة معينة.
وبعدين
ولا قبلين الماية في جسمة كلها تتبخر وبعد كده بقا ينزل يقعد في بير لحد ما ېموت.
تخيل كده معايا لما هو بيعمل كل ده علشان يدخل الجنة وېموت ويلاقي الأقدمين كلهم جوا في الدرك الأسفل في الڼار.
ضحك
أدخل يحبيب أخوك كلنا جوة.
ضحكت وكملنا كلام لحد ما لقيت واحد واقف قدامي وبيمد أيده ومبتسم
ازيك يا تاج.
بصيتله پصدمة وبصيت لمراد فابتسم بتشجيع فقولتله من غير ما أمد أيدي
اهلا يا باشمهندس عدي.
مد مراد أيده
ازيك يا عدي عامل إيه
تمام عايزك في موضوع يا تاج.
بصيت لمراد وقولت 
مفيش بينا مواضيع يا باشمهندس.
بصلي وبص لمراد بإحراج
بعد أذنك.
اتنحنح مراد وقال
طيب هروح...
قاطعته
خليك يا دكتور لو في حاجة قولها هنا يا باشمهندس مراد مش غريب.
بصلي بعصبية ومشي بصيت لمراد وابتسمت بإحراج واعتذرتله راجع بعد شهور يقولي كلام!
كلام إيه اللي هيردلي قلبي كلام إيه اللي هيطيب كسرتي منه!
اسمعيه!
لأ.
غلط يا دكتورة عنده عذر لأفعاله وشكله ندمان.
دكتور مراد أنا فعلا مش عايزة اتكلم بص طالما طالبة معاك كلام أوي كملي حكاية الهند.
ضحك
نكمل من وقت ما دخل البير.
لحد فين
لحد ما ېموت بقا.
لا نكمل