من الحب ما قتل بقلم أميره حسن

انا هطلع اشوفه ومش هتأخر عليكى ماشى.
قولتلها هو كمان جايلك لحد هنا لو حد شافك ممكن تحصلك مشكلة.
قالتلى اتفقلى خير بقا ومتعكننيش عليا انا مبسوطة اوى انى هشوفه.
قولتلها يابنتى والله اللى انتى بتعمليه دة غلط.....
قاطعتنى وقالتلى والله من غير ماتكملى عارفة هتقولى ايه ياسمر دة لو بيحبك هيتقدملك ومش هيخليكى تعملى حاجة من ورا اهلك وطول مابتزيدى فى الغلط ربنا مش هيباركلك فى الحاجة اللى بتحبيها وهتقعدى بقا تفتحيلى المرشح دة وانا مستعجلة اساسا سلام بقا دلوقتى ولما اجى ابقى قوليلى حاجة جديدة .
قولتلها بقله حيلة روحى ياسمر ربنا يهديكى.
حدفتلى بوسة فى الهوا وجرت على برة وانا فضلت قاعدة بفكر فى كلام ياسين وياترى هيجى تانى ولا لا فضلت قاعدة مستنيها كتير وبدأت المحاضرة التانية وبرضه لسة مجتش قلقت عليها وطلعت اشوفها ملقتهاش فاتصلت بيها ومردتش عليا فادخلت كملت محاضراتى وبالى مشغول بيها ولحد اخر اليوم مظهرتش فأستأذنت من اهلى عشان اروح عندها البيت يمكن تكون روحت وفعلا وصلت لبيتها وولدتها استقبلتنى ودخلتنى اوضتها فالقتها قاعدة حزينه على سريرها واول ماشوفتها جريت عليها بلهفة وسمعت مامتها بتقول اهى كدة من ساعة ماجت من الكليه شوفيلى مالها والنبى ياتمارا احسن انا تعبت معاها .
قولت لولدتها حاضر ياطنط سبينا بس لوحدنا وهفرفشهالك متقلقيش.
وفعلا طلعت من الاوضه وانا بصيت لسمر لقتها بټعيط فاقولتلها ايه اللى حصل 
مردتش عليا فاحاولت معاها كتير وبرضه مبتردش وبتعيط وبس فامسكت فونها وقولتلها انا قلبى حاسي ان اللى اسمه ياسين دة هو السبب ولو مقولتيش فى ايه هتصل بيه دلوقتى وهزقه .
بصتلى وقالتلى كلميه هو اصلا مستنيكى.
استغربتها اوى وقولتلها انتى بتقولى ايه!
قالتلى سبينى لوحدى ياتمارا.
قولتلها واحنا من امتى بنسيب بعض فى الاوقات دى ياسمر.
قالتلى من دلوقتى وبعدين انا مش رايقة للكلام فاسبينى فى حالى .
اعترضت وأصرت عليها تحكيلى ولكن بلا جدوى فالقيت انى اسيبها تهدى وابقا اجيلها تانى وانا طالعة قولت لمامتها سبيها ياطنط ومتضغطيش عليها وهتلاقيها من نفسها بتحكيلك.
اتكلمت انا ومامتها شوية وبعدين مشيت وجملة سمر بتتكرر فى عقلى كلميه هو اصلا مستنيكى واسأل نفسى ياترى كتن قصدها ايه روحت على البيت ونمت ويومى خلص على كدة.
سمر قعدت فى البيت فترة كبيرة مش بتكلمنى وترفض تقابلنى وكمان مش بتيجى الكليه ودة كان مدايقنى جدا وعدا اسبوع على الوضع دة وفجأة فى يوم لقيت ماما بتقولى البسى اى حاجة عليكى بسرعة فى واحد بره بيقول انه زميلك فى الكليه وعايزك ضرورى.
استغربت وقولتلها انا مليش صحاب ولاد وانتى عارفة وبعدين بابا فين
قالتلى قاعد معاه بره.
قوما من مكانى ولبست الاسدال وطلعت واتفاجئت لما لقيت ياسين قاعد مع بابا فاقربت منهم وسلمت عليه وقعدت فالقيت بابا بيقولى زميلك يابنتى استأذن منى عشان يراجع معاكى محاضرات مهمة فاهسيبكم براحتكم ولو احتاجتى حاجة انا جمبك فى الاوضه .
استغربت بابا جدا وكنت متفاجئة من اللى بيحصل وبصيت لياسين وقولتله انت ازاى تكذب على اهلى وتقولهم انك زميلى
قالى انتى تانى وبرضه نفس الاسئلة بتاعة كل مرة.
قولتله منا عايزة اعرف انت ليه كذبت
قالى عشان مينفعش اقولهم انى عايز اتجوزك وانا مش ضامن رد فعلك وملقتش طريقة تانية اكلمك بيها.
قولتله وانت شايف ان دى الطريقة الصح
قالى لا بس ملقتش غيرها ممكن تسمعينى بقا 
سكتت وسبته يتكلم وقالى انا عارف انك متعرفنيش ومستغربانى بس انا اعرفك يمكن معرفش شخصيتك بس حافظ شكلك وبصراحة كنت مراقبك من بعيد ومكنش فى غير طريقة واحدة بس عشان اوصلك...
قاطعته وقولتله اوعى تقولى ان مساعدتك ليا كانت لعبة وشغل الافلام وانك متفق مع الشباب وكدة.
ابتسم وقالى بتتفرجى على هندى كتير صح
قولتله لا بس انا مش فهماك ودة الموقف الوحيد اللى عرفتك فيه فاتوقعت تكون لعبه عشان توصلى زى مابتقول.
قالى لا صاحبتك سمر كانت هى الطريق اللى بيوصلنى ليكى.
اتفاجئت وقولتله ازاى يعنى وانت تعرف سمر منين!
قالى اتعرفت عليها من ع السوشيال ميديا واتصاحبنا عادى زى اى اتنين بيتعرفو لحد ماشوفت صورتك على صفحتها وان انتى اللى بدور عليها لكن وقتها سمر حبتنى وانا اضطريت امشى معاها فى موضوع الحب دة عشان اوصلك...
قاطعته وقولتله بعصبيه بس متكملش انت ايه اللى بتقوله دة اصلا وازاى عندك الجرأة تيجى لحد عندى وتقولى كدة انت بنى ادام كذاب ومخادع حقيقى مش قادرة اصدق ان فى حد ممكن يلعب بقلوب الناس ويستخدهم بالطريقة البشعة دى و......
قاطعنى اهدى بس واسمعيني للآخر ومتخلنيش اندم انى حكتلك الصراحة ومكذبتش عليكى.
قولتله هو انت كمان مستنى منى اسمعك طبعا مانت مش حاسس باللى عملته وان صحبتى والى انا بعتبرها زى اختى واكتر مضمرة والسبب هو سياتك ودلوقتى بتتكلم بكل برود متوقع منى ايه انت بجد مش طبيعى.
نفخ وقالى طب مش تسألى انا عايز اوصلك ليه وليه عملت كدة فى صحبتك ولا عمالة تغلطينى وخلاص.
قولتله لا كدة كتير هو انت كمان مش شايف نفسك غلطان.
قالى استغفر الله العظيم يارب يابنتى اسمعى للاخر.
قولتله مش عايزة اسمعك انا كل اللى فى بالى دلوقتى صورة سمر وهى مڼهارة بسببك .
وقتها بابا وماما جم على صوتنا وبابا سأل فى ايه يابنتى!
رد ياسين مفيش حاجة ياحج و....
قاطعته وقولت لا فى حاجات مش حاجة واحدة وكلامى خلص معاك ويلا اتفضل اطلع برة.
بابا زعق وقالى عيب ياتمارا ايه اللى بتقوليه دة!
ياسين اتحرك من مكانه وقال عن اذنكم.
وقتها دخلت على اوضتى واتصلت كتير بسمر وبرضه مردتش عليا.
بااااااااااااااااك
فوقت من تفكيرى لما لقيت نفسى خلصت ترويق البيت وشوية وعلى اخر اليوم لقيت زياد وصل فاطلعت من الاوضه ووقفت قدامه وقولتله ممكن تفهمنى ايه اللى بيحصل
نفخ بقوة ودخل اوضته وهبد الباب وراه بعصبيه فاخبطت بقوة وزعقت انت مبتردش عليا ليه انا تعبت ومن حقى افهم انت بتعمل معايا كدة ليهاطلع فهمنى انا عملت ايه فى اخوك .
زعق من جوة الاوضه وقالى لو ممشتيش دلوقتى اقسم باللى خلقنى وخلقك هطلع اكسرك نصين .انا عفاريت الدنيا بتطنطط قدامى ومش ناقصك......
يتبع..
رأيكم يهمنىبحبكم فى الله
زعق وقالى لو ممشتيش دلوقتى اقسم باللى خلقنى وخلقك هطلع اكسرك نصين انا عفاريت الدنيا بتطنطط قدامى ومش ناقصك.
دمى اتحرق من اسلوبه واتعصبت وقولتله هو انت هتستعبدنى! انا من حقى اعرف انت بتتعامل معايا كدة ليييه حرام عليك بقا انا تعبت والله تعبت.
قعدت قدام باب اوضته وفضلت اعيط پقهر على حالتى وفجأه لقيته فتح الباب وبصلى من فوق وقالى قومى من على الارض.
قولتله بدموع عجبك حالتى مش كدة شوفت وصلتنى لايه قاعدة على الارض وانا كل حته فيا بتصرخ من الۏجع ايه رأيك فيا رضيت غرورك ولا لسة عايز تكمل عليا
كنت بتكلم وشهقات عياطى متتالية وثوانى ولقيته نزل لمستوايا وبصلى بصة غريبة وقالى انتى فاكرة انى كدة مبسوط انا بمۏت فى اليوم الف مۏته وحاسس انى واقع بين نارين وانتى السبب.
مسحت دموعى بأهمال وقولتله وهتفضل فى الحيرة دى طول مانت باصص للموضوع من طرف واحد ومفكرتش للحظة