من الحب ما قتل بقلم أميره حسن
عربيته ومشى استغربته واستغربت نفسى انى تجاوبت معاه فى الكلام عشان مش من عادتى انى اتكلم مع حد غريب ولكن هو فى حاجة شدتنى فانفخت وحاولت انسى اللى حصل وطلعت جرى عند ماما.
باااااااااااااااااااااك.
فجأه لقيت الباب بيتفتح فاقفلت الالبوم وطلعت من الاوضه جرى فالقيته واقف فى وشى وبص للبيت پغضب وقالى ايه اللى انتى عملتيه دة
قرب منى ومسك ايدى بقوة وقالى بت انتى انا مبحبش العند فاتقى شرى.
زقيته بقوة هتعمل ايه اكتر من اللى بتعمله انا تعبت قولى عايز منى ايه وخلصنى بقا.
زعق وقالى عايزك تخرسى هتعرفى تخرسى ولا اخرسك انا.
نفخت بقوة وقولتله اللى بينى وبينك اهلى ملهمش دعوة بيه فاطلعهم من اى حاجة تخصنا.
وقبل مايدخل اوضته مسكت ايده پغضب وقولتله لا ماهو انت مش كل شوية هتسبنى وتمشى انا عايزة افهم هو انا عملت ايه فى اخوك .
نفخ بقوة ولقيته طلع فونه وبعد ثوانى ورانى صورة ياسين لكن المفاجئة بالنسبالى لقيت نفسى متصورة جمبه وبنضحك سوا فأستغربت وقولتله ايه دة!
قولتله بأستغراب انا مش فاكرة انى اتصورت مع اخوك صورة زى كدة ابدا .
بصلى بأستهزاء وعدم تصديق فاقولتله انا واخوك كان كلامنا محدود جدا ومتقابلناش كتير ومنكرش انى اعجبت بيه فى البداية لكن لما عرفت ان هو دة حبيب صحبتى تجنبته .
قالى بسخرية يعنى عايزة تفهمينى ان دى مش صورتك .
لقيته ورانى كذا صورة ليا انا وياسين مع بعض فى اماكن مختلفة وحقيقى كنت واقفة مصډومة ولقيته بيقولى امال دول ايه ماشاء الله منورة فى كل الصور فامتكدبيش عليا عشان انا فاهمك كويس.
زعقت وقولتله لا انت مش فاهم حاجة لانك بتسمع كل حاجة من طرف واحد وبس .
قولتله بزعيق شوفت ايه ماتفهمنى!!
فجأه لقيت خبط جامد على الباب فاأتفزعت ولقيته اتحرك وراح فتح وظهر شخص غريب بيقوله استاذ زياد انا اتصلت بيك كتير ومردتش .
زياد بلهفة فى ايه انطق
قالة اخوك ياسين فاق من الغيبوبة..........
يتبع....
سابنى ومشى بعد ماعرف ان اخوه فاق من الغيبوبة سابنى واقفة تايهه ومحتاره ودماغى ھتنفجر من كتر التفكير ولكن ماباليد حيلة بصيت حواليا وشوفت الكركبة اللى عملتها فى الشقة ونفخت بقوة وبدأت ارتب الدنيا وعقلى بيسترجع مواقفى مع ياسين ......
فلااااااااااااااش بااااااااااااااااك.
عدى يومين من اخر مرة شوفت فيها ياسين والنهاردة كنت بجهز نفسى ورايحة الجامعة وكالعادة بكلم سمر فى الفون قبل مانزل وفتحت باب البيت ونزلت وانا بكلمها فون يابنتى والله خلصت ونازلة اهو.
ردت عليا طب بسرعة ياتمارا حرام عليكى عندنا امتحان.
نزلت جرى وقبل مارد عليها لقتنى خبطت فى واحد والفون وقع من ايدى فابرفع راسى واشوفه واتفاجئت انه ياسين ولقيته نزل جبلى الفون وعطهولى وهو بيقول مش تخلى بالك.
بربشت بعينى وقولتله بعفوية انت ايه اللى جابك!!
ابتسم بقله حيلة وقالى انتى ليه اسألتك دايما بتيجى فى الوقت الغلط
قولتله بتوهان يعنى ايه
قالى يعنى المرة اللى فاتت بدل ماتقوليلى شكرا على المساعدة لقيتك بتسألينى هو انت تعرفنى ودلوقتى بدل ماتسلمى عليا برضه بتسألى .
فوقت من فجأتى بيه وقولتله بلجلجة ااا... اصل...اصل متوقعتش اشوفك تانى وبالزات لما الاقيك فجأه فى وشى وتحت بيتنا.
ضحك بخفة وقالى عادى يعنى وبعدين انا جاى عشانك اصلا.
قولتله بعفوية عشانى انا.
هز راسه بنعم ولسة الابتسامة على وشه وقالى بمرح فاضية ولا الف وارجع تانى.
بلعت ريقى بتوتر وقولتله بصراحة انا دلوقتى عندى امتحان ومقدرش اتأخر اكتر من كدة.
قالى اممم طيب تعالى هوصلك وبعد الامتحان نتكلم .
قولتله لا مش هينفع اساسا ماما ادايقت منى اوى لما ركبت معاك عربيتك المرة اللى فاتت عشان مينفعش اركب مع حد غريب حتى لو كانت نيتك سليمة دة غير....
قاطعنى وقالى معاكى حق بس انا عايز اتكلم معاكى.
قولتله تتكلم فى ايه
قالى دة موضوع طويل ومحتاج مكان نقعد فيه.
قولتله قول اللى عايز تقوله لانه مينفعش خالص اركب معاك او حتى اقعد معاك فى اى مكان دة غير ان وقفتنا دى برضه غلط.
قالى هتكلم ازاى وانتى اساسا مستعجلة على امتحانك وبتقولى انو مينفعش نتكلم هنا كمان يبقا ايه الحل من وجه نظرك.
قولتله انت عايز تكلمنى بخصوص ايه
سكت شويه وقالى عايز اتجوزك.
اول ما سمعت الجملة حسيت رجلى ثبتت فى الارض واكيد وشى جاب جميع الالوان وطبعا لما بتوتر بعض فى شفايفى وفضلت بصاله بتفاجئ لحد ماسمعته قالى بأبتسامة سمعتينى !!
بلعت ريقى وقولتله بتوتر ااا..انت غريب اوى!
استغرب وقالى غريب ازاى
قولتله عشان احنا متقابلناش غير مرة واحدة ومنعرفش بعض ودلوقتى عايز تتجوزنى...
قالى لو مشكلتك فى التعارف نتعرف يعنى مش حاجة صعبة
قولتله بس انا معرفكش ولا انت تعرفنى فجاه كدة عايزنا نتجوز....
قاطعنى ومين قالك انى معرفكيش
استغربت وقولتله انا مبقتش فهماك.
قالى منا قولتلك الموضوع طويل قوليلى هتخلصى امتحانك امتى عشان افهمك كل حاجة.
كان فضولى هيقتلى انى اتعرف عليه وافهم دماغه معرفش ليه ولكن قولتله انا ساكنه فى الدور التالت اى حاجة عايز تقولى احب انك تقولها فى وجود اهلى عشان مبعملش حاجة من وراهم وعن اذنك بقا عشان اتأخرت اوى.
مشيت من قدامه بسرعة ومعتطلهوش فرصه يرد عليا وطبعا ببص فى الفون لقيته فصل بسبب الوقعة اللى اخدها وزمان سمر قالبة عليا الدنيا واخيرا وقفت تاكسى وركبت
وبعد شوية وصلت على الجامعة ودخلت السيكشن واعتزرت من الدكتور وقعدت فى مكانى جمب سمر اللى اول ماشافتنى قالتلى بغيظ اموت واعرف جايبة البرود دة كله منين.
قولتلها بهمس اسكتى هبقا احكيلك بعدين.
سمعت الدكتور بيقول يعنى متأخرة وكمان داخلة تتكلمى ياريت تركزى فى الورقة اللى قدامك يا أستاذة يأما تتفضلى برة.
اتحرجت جدا وقولتله ااا..اسفة يادكتور.
بصيت لسمر لقتها بتقولى بهمس ومرح احسن احسن اخدلى طارى منك.
مردتش عليها وكتمت غيظى جوايا وحاولت استرجع مذاكرتى وبدأت احل الامتحان........... وبعد فترة سلمنا الورق وطلعنا من السيكشن وطبعا حكيت سبب تأخيرى لسمر صاحبتي ولقتها بتقولى انتى قفل كدة ليه يابنتى هو قالك ايه يعنى عشان تصديه كدة دة عايزك بالحلال.
قولتلها معرفش بقا ياسمر حاسة ان فى حاجة غريبة وهو مش مفهوم بالنسبالى.
قالتلي وهتفهميه ازاى طول مانتى قافلة فى وشه الباب كنتى حتى عطتيه فرصه يقول اللى عنده .
قولتلها بقولك ايه كبرى دماغك لو فى نصيب اكيد هشوفه تانى وبعدين هو عارف بيتى لو نيته خير هيجى صح ولا ايه
بصتلى بقله حيلة وقبل ماتتكلم فونها رن فابتسمت بفرحة وردت ايه ياحبييى......اه لسة مخلصة الامتحان من شوية.......اهو قاعدة دلوقتى مع تمارا صحبتى .......الحمدلله كان سهل عقبال اللى جاى بقا.......انت فينك كدة .......بجد .....طب استنى انا طلعالك..... سلام.
بصتلها بأستغراب فاقالتلى دة ياسين اللى حاكتلك عنه مستنينى بره الكلية
