اسكريبت الاجبار المتمنى بقلم الكاتبه هاجر نور الدين
وقال
_بت إنتي هبلة ولا عبيطة مين فينا اللي قافش التاني قاعد مع واحد هاا.
بصيتله وأنا مديقة عيوني وببصله بتحذير وقولت
شكل رجليك محصلهاش المطلوب.
بص على رجليه وبعدين بصلي بدهشة وقال
_متجوز مفترية بجد ميليقش على شكلك خالص يخربيتك.
خلص كلامه ومشي من قدامي وهو بيعرج رجله إتخبطت في الطربيزة وهو ماشي وإتوجع قومت عليه بسرعة وقولت بلهفة
بصلي شوية وبعدين قال بإستغراب
_إنتي بشخصيتين يابنتي?
بصتله ب ملل وقولت
تصدق أنا غلطانة.
إبتسم وقال بسرحان
_ومجنونة.
بصيتله شوية وإتوترت وهو لاحظ اللي قاله ولغى ملامح وشه الهبلة دي مع الإبتسامة وقال بملامح جادة
_قومي شوفي إنتي رايحة فين مش إنتي السبب في دا.
بصيتله پغضب وبعدين بصيت ل رجليه وقولت
بصلي برفعة حاجب وقال
_شبهي!!
سيبته وقومت وقولت بلا مبالاة
أيوا نفس السحنة وإنت عموما زي القرد هي بس بټوجعك.
إتكلم بعصبية خفيفة وقال وهو بيجز على سنانه
_ما تخلي بالك من تشبيهاتك يا حرمي المصون.
بصيتله بعدم إهتمام ومشيت من قدامه في حين أنا في الحقيقة مهزأة وقلبي كان بيرفرف من حرمي المصون دي طالعة منه قمر دخلت الأوضة عشان أنام بس لقيته بعدها ب شوية بيخبط على باب الأوضة قومت فتحتله وقولت بتمثيل ملامح الزهق على وشي
إتكلم بتردد وهو بيمشي إيديه في شعره وباصص ب برائة وقال
كنت عايز أقولك إني بخاف من النوم لوحدي ممكن أنام معاكي?
بصيتله پغضب وقولت وأنا بقفل الباب في وشه
_قليل الأدب روح إتخمد في أوضتك زي ما كنت نايم اليومين اللي فاته اللي إختشوا ماتوا صحيح.
طبعا كلنا عارفين أنا بقول الكلام دا وجوايا إي الفار إبتدا يدخل المصيدة كان واقف برا في صدمة وهو مبرق عينيه ولسة واقف في مكانه وردد
اللي آختشوا مااتوا!!
هو أنا متجوزها ولا دي جاية البيت دا غلط ولا إي?!
تاني يوم الصبح خرجت من الأوضة وأنا لسة صاحية وبتتاوب وعيني مغمضة لسة لقيته بيتكلم في التليفون مع سمر وبيقول
_بقولك إي مهما قولتي مش هعدي الموضوع دا بالساهل إنتي فاهمة?
بص وراه لقاني واقفة وراه بمنظري دا وشعري المنحكش وأنا ببصله بنظرات ڼارية إتخض ورما الفون وحط إيده على قلبه وقال
إتكلمت بتحذير وأنا بشاورله ب صباعي في وشه
إحذر مني عشان اللي جاي خطېر وإحذر من البتاعة اللي إنت ماشي معاها دي عشان هتلسوعك.
سيبته ومشيت من قدامه إتكلم وقال وهو بياخد نفسه
_هتلسوعك!
متجوز سواق ميكروباص الله يسامحك يابابا.
حضرت فطار وقعدت وبدأت أكل جه محمد قعد قدامي وقال
هو لازم أزعق يعني?
بصيتله بجانب عيني بحدة وقولت
_إبقى خلى السبيط المقلي اللي بتكلمها تحضرلك فطار وإبعد عني خالص اليومين دول كنت بخاف لحد إمبارح الصبح بس.
بصلي وقال بنفاذ صبر
أنا عايز أفهم إنتي إتجوزتيني ترازي فيا وبعدين فين الرقة اللي كانت معروفة عنك مشوفتهاش خااالص دي.
بصيتله وقولت وأنا باكل
_والله يا أخ مكنتش هرازي فيك لولا إن إنت اللي بدأت والبادي أظلم والرقة اللي بتتكلم عنها دي كنت شيلاها لقرة عيني إنت مالكش دخل بالحوار دا لإنك هتطلقني وساعتها بقى هتجوز من قرة عيني اللي يحبني وأحبه.
بصلي پغضب وقال
مين ياحبيبتي!!
وإنتي مين قالك إني هطلقك أصلا.
بصيتله بإستغراب وقولت
_أومال هتعمل إي ب ست سمر بتاعتك دي ولا هتقعدني جنبك يمكن!
إتكلم وهو بيحاول يهدى وقال
مش عارف بس متتكلميش في الموضوع دا تاني.
بصيتله وقولت بعصبية وأنا بقوم
_لأ طبعا هتكلم ونص بقولك إي يامحمد زي ما إنت مقرر مع حبيبتك اللي جبتها بيتي
