فوقت لقيت نفسي علي سرير في المستشفي 1
وفعلا اتجوز (سيد) ابني هو ورحمه وجابو لي ولد وبنت هم كل حياتي
كانو عايشين راضيين ومبسوطين
مهو اهم حاجه الرضا.. لو مفيش رضا … ميملاش عين ابن ا الا التراب
وفي يوم فكراه زي ميكون النهارده
سيد رجع من شغله زي العاده وطلع علي شقته في الدور الي فوقي وبعد ساعه سمعت مراته ب طلعنا نجري انا واخواته واول مدخلنا لقيناه واقع علي الارض والسر الالهي طلع.. ايوه سيد ابني الكبير وسندي وسند اخواته وهو مكملش. خمس سنين جواز..ولاده ملحقوش يشبعو منه ومراته بقت ارمله وهي لسه ورده مفتحه في عز شبابها
كلنا كنا زعلانين بس راضيين بامر الله
وبعد مفاتت سنه ندهت لرحمه وقولت لها بصي تي انتي لسه في عز شبابك ومن حقك تشوفي حياتك بس انا خايفه تاخدي ولادك بعدي عني وهم النور الي بينور لي حياتي علشان كده هعرض عليكي تتجوزي (سعد ) اخو سيد الوسطاني يكون راجلك وسندك انتي وعيالك بقو عايشين وسطنا منتحرمش منكم.. ايه رايك؟
قالت لي لو انتي شايفه ان ده الصالح يا امي انا موافقه..
وفعلا اتجوزو هي وسعد
وكنت بفرح لما بشوفهم مبسوطين مع ب والولاد متعلقين بعمهم
