أنا هطلقك

أنا هطلقك.
مسكت الطبق علشان ميقعش يتكسر مني ولفيت وابتسمتله
تتغدى بشاميل ولا رقاق
كده أحسن ليكي.
لفيت بهدوء وكملت كلام
أنت بتحب البشاميل هعملك.
أنا خلاص كلمت المأذون وحددت ميعاد هنروح.
بعد الغدا تناملك شوية علشان متصدعش و...
رد بزعيق
تاج أنا بكلمك.
ارتجفت في مكاني والطبق وقع مني بصيتله بعتاب ووطيت وبدأت ألمه

طب يعني ينفع كده الصيني اللي أهلي دافعين فيه ډم قلبهم يبني حرام.
شدني من أيدي وكمل بصوت عالي
هو أنا بكلم نفسي! بقولك خلاص هنروح ونتطلق.
سابني واقفة وخرج وهبد الباب وراه قعدت وحضنت قلبي وأنا بحاول اتماسك.
محدش هيداوي چرح وهو مش حاسس بوجعه.
ومحدش هيطبطب عليك طالما شايفك بتضحك.
المرة دي حكاية متكررة بس بلمسة جديدة.
عملتلك قهوة هي فارت بس حاولت يعني.
مش عايز.
قعدت جنبه وجيبتله الماتش
الأهلي بيلعب كمان كده قاعدة رايقة أهي.
قفل الشاشة
أنا داخل أنام.
منتظرش رد ودخل الآوضة دخلت وراه وضحكت وأنا بفتح النور
العشاء جهز يلا يا حبيبي.
مش جعان.
قربت عليه وشديت أيده
علشان تقدر على شغل بكرا.
هستقيل.
طب...
سحب أيده مني وقال بعصبية
اطلعي برا عايز أنام قولتلك.
كنت واقفة في المطبخ برتبه وأنا بحاول اكتم دموعي هو عايز يوصلنا لهنا لإني أتعب من معاملته وأمشي.
طب ولما أنا أمشي علشان محڼة زي دي يبقى استحق اعيش معاه تاني
لما صحيت تاني يوم مكانش في البيت عرفت أنه نزل الشغل فبعتله طلبات البيت على الواتس زي العادة انتظرته يجي وأنا محضره الغدا وخليت البيت ريحته ورد زي ما بيحب.
حمدالله على السلامة.
حط الحاجة ورجع لعند الباب
رايح فين!
نازل.
لما نزل حاولت اشغل نفسي تاني أنا مش عايزة اضغط عليه أقصد مش عايزة احسسه بكده أنا بس عايزة اشاركه وجعه اللي أنا كده كده مشركاه فيه لكن هو مش فاهم ده.
فضيت طلبات البيت ولقيت معاهم الحاجات اللي بحبها وبيجيبهالي في العادة ابتسمت وكملت اللي بعمله وخرجت انتظرته لما يرجع ساعة اتنين وخمسة ومرجعش اتصلت على والدته وأخته محدش فيهم شافه الساعة كانت 10.
لبست ووقفت قدام الباب بتردد هنزل أروح فين! طب هنزل من غير ما اعرفه!
كنت ماشية بلف عليه وكأن في حتة مني ضايعة عيني عايزة تطمن بشوفته لقيته قاعد على النيل وتايه شكله متبهدل وشعره واقع على وشه.
عدي.
لفلي وقال بعصبية
ايه طلعك من البيت وازاي تخرجي من غير أذني!
أنا قلقت عليك بس و...
قاطعني بزعيق وهو بيشدني من أيدي وراه
أنا مش عيل صغير ومش ضعيف فاهمة أنا مش ضعيف.
كنت ماشية مبنطقش باصه لشكله وبطبطب على قلبي وبهونها عليه معذور في غضبه معذور في حزنه بس مش معذور في عقاپي.
دخلنا الشقة فبدأ يتكلم بعصبية وهجوم
انتي خلاص حتى من قبل الطلاق لغيتيني ماشية ومن غير إذن ولا كلام.
قولت بدفاع
لا والله أنا بس قلقت عليك وخۏفت...
كمل بعصبية وهو بيخبط الباب
خۏفتي إيه فكراني عيل هأذي نفسي! ولا ضعيف وجبان وبهرب.
قربت بحذر
شيفاك احسن واحد في الدنيا بس بتلوم عليا في خۏفي عليك!
اتعصب أكتر
خاېفة عليا من ايه انطقي خاېفة عليا من إيه!
قربت عليه أكتر وحضنته وأنا بهمس بصوت مليان بكا
منك خاېفة عليك منك يا عدي.
شد نفسه وبعد عني وقال بعصبية
مني! عندك حق مهو أنا السبب في إنك...
حطيت أيدي على بوقه بسرعة
مش ده قصدي والله أنا خاېفة لتفكيرك يتعبك وبس إنما أنا أتحملك طول العمر يا عدي.
شد أيده وقعد في الأرض وبدأ يبكي قربت عليه وحضنته
أنا آسف.
رديت من بين دموعي
ششش أنا جنبك يا عدي أنا هفضل طول عمري جنبك.
شد أيده عليا أكتر
أنا عارف إنك ملكيش ذنب عارف إني باجي عليك.
اتنهد وكمل
أنتي...
قاطعته وأنا ببعد عنه بسرعة
أنا معاك تمام هقوم احضر العشا.
دخلت المطبخ واتداريت فيه كنت بحضر العشا وأنا ببكي ۏجعي ووجعه لو كان كمل جملته كنا وصلنا لفين
طلعت بالعشا ولأول مرة من مدة طويلة يفضل جنبي لأول مرة من مدة طويلة نرجع نتكلم وكأن مكنش فيه بينا جفا وكأننا لسه عارفين بعض.
تاج قومي نايمة كده ليه
فتحت بخفة
كنت مستنياك وأنت أتأخرت.
طب قومي يا حبيبتي نامي جوا.
أنت اتعشيت
قال بحذر
أيوة